المراهقة والأربعيني الحلقة (84)

المراهقة والأربعيني

الجزء الثاني

الحلقة  (84)

اخذني بحظنو واني ابجي ، الباب يندك بس هو ما يرد ساكت ويهدي بيا ، اخر شي فتحتو هيام وفاتت دحكتو كاعد ويايه بالكاع ومخليني بحظنو و يمسد على شعري
هيام:- ابو حرب يريدونك جوه
-گليلهم ما ينزل
-عمي عزام يريدك
-ام علي سدي الباب وراج
.. بقت ادحك تالي عافتنا و طلعت شلت راسي من صدرو :- ما كاعد اتحملك صرت اقرف منك انت جنت وياها
-گومي غسلي ولا تبقين على هلحاله ، سدج امين يابه والكعبه ما اريدها ، هاي من اليوم انتهت
كمت منو واني امسح الدموع من عيني :- ما اريد اطلع ولا اريد اشوف بشر
كعدت ع التخت اندكت الباب مره لخ هو كام فتحو طلعت خالة اخلاص :- خاله انت هينا و العروس جوا
-تفضلي كولي شنو اللي تريدي
-لا بس عايف العروس وحدها تستاحش خطيه ، امش يمها لخاطري
- خاطرج غالي حجيه بس اذا تستوحش اخذيها وياج ، انه شگدر اسويلها ..
عاف الباب مفتوح و مشى يفتح بالكنتور ، فاتت خالتها دحكت عليه وطلعت ، سد الباب بوراها ورجع كعد يمي
اني متمدده ودايره وجهي ، بس گلبي محترك والنار تاكل بيه ، وهو حاط ايدو على راسي ويحجي :- ما تحلى بعيني غيرج مجنون عاقل ابدلها بيج روحي بيج انتي
وبقى يدگلي هلكلام ، رغم تعبت من هيج كلام ، بس احسو يهدي ، ما اعرف يطمن گلبي حتى لو جنت ما مصدگتو
اندكت الباب مال غرفة اخلاص ، هو سمع نور تكول :- ابو حرب العشا
كام من مكانو وفتح الباب وصاح :- نورر جيبي العشا هينا
جابت الاكل وفوتتو بغرفتنه وحجت :- كومي اكليلج لكمه حبيبه من الصبح لسه على لحم بطنج
صراع :- اخذي راحتج بعد اخوج انه هسه اخليها تاكل
طلعت وهو حجه :- يلا حبيبي كومي
-ابتعد مني ولا تگرب
-لا اگرب گومي لشوف ، يلا
- ما اريد وخررر
سحب ايدي و وكفني من السرير :- شنو هي غصب
-كعدي نحجي
كعدني:- دحكي علي من هينا وغادي تعودي ان تشوفين اخلاص جدامج
دحكت بعصبيهه بيه كال :- لا ادحكين هيج اريدج تفهمين وتتصرفين عدل مو تخبصين الدنيا بفواينج ، تريدين تهججيها من هينا ، اتصرفي بعقل ولا تخلين احد.يلومج ، ساعديني اطلكها
-شلون ؟
-تهج من هينا بنفسها وهي اللي تطلب الطلاك مو انه اطلكها حتى ما ننلام بيها وترد
-مفتهمت
-بعقل وبدون تصرفات طايشه سانديني
اندكت الباب وفاتت خالة اخلاص وكاضبه اخلاص من ايدها وفاتت ، يابه احترك دمي من شفتها گبالي ، ردت اكوم ، صراع كضب ايدي
وخالتها گالتلها :- بوسي راس زلمتج واكعدي اكلي وياه ، ومرتو ماهي عدوتج كون حبيبات و تصيرن گلب على گلب المشاكل ما هي حلوه
باست راسو وهو عاقد حواجبو كاللها :- اكعدي اكلي
اندارت عليه :- شلونج ليليان
دحكت بيها العيون حمر كن باجيه هواي ، درت وجهي عنها بس من داخلي اغلي ، كعدت ع الصينيه ويانا
وخالتها بقت تحجي ويا صراع وهو يرد عليها ، واني عيوني بأخلاص ما شلتها ، لابسه روب نوم ستن ابيض وبنفسجي طويل وعليه روب وبعدها بالمكياج و والتسريحه
دحكت الحمره مالتها ما خربانه ، اطمئنيت هو ما بايسها، ما اعرف شلون متقرب يمها لان تسريحتها ومكياجها هو هو
ما اعرف ليش ادقق على هيج تفاصيلي بس عقلي ضرب بعد ما عرفت شفكر وشلون ادقق كل همي شلون تقربلها ، جنت اتوقع راح تفوت وتتشمت بيه ، بس عيونها شابعه بجي ما اعرف شنو صاير
وصراع لهجتو ثكيله ويا خالتها وهي تتوسل بيه يدير بالها عليه ، فاتت عمة حلا كالتلو :- امانة الله اخلاص عندك ابو حرب دير بالك عليها
ردها :- وصيها هي الي ادير بالها على تصرفاتها ، ما اريدها تتصاادم ويا ليليان
قبل لا يكمل كلامو حجت اختها
-لا والله وصيتها ما تصل يمها ولا تحجي وياها ..
اخلاص :- بحسبة اختي ما ادنى يمها والله
جريت نفس ، ردت اكوم ، صراع كاضب ايدي ومثبتني ، دحك بيه بنظرة اكعدي
طلعت خالتها واختها وسدن الباب هي مدت ايدها تاكل ، واني مخزره بيه لو بودي اكلو ، فوكاها جابها بغرفتي ومكابلتني ..
صراع :- اسمعوني اثنينكم ، مشاكل ما اريد ، الجبير بيكم يتفهم الصغير و الصغير يحترم الجبير ، اللي ادور مشاكل وتتكاون والله بالله تراه الطلاك عندي اسهل من شربة الماي
حجاها وعصر ايدي ، فهمت قصدو ، وهي كل كلمه يحجيها تگلو :- تأمر ابو حرب
رد عليها :- لا تتأملين بهلزواجه جثير ، انتي جيتي وحطيتي نفسج ، فتأكدي لها مده وتنتهي وكلمن بحالو
رفعت راسها وبجت :- انه والله ما ج.....
قاطعها :- هششش انه حسج ما احب اسمعو ، ولو خلصتي اكل ردي لغرفتج
فاتت الحجيه وهو يحجي ، دار وجهو ، صلت ع النبي ودنكت باستو وكالتلو :- يجعلها زواجة الدهر يمه
دحكت بأخلاص تبجي ، استغربت
اني بس اطمش ، مفهمت شنو صاير و الحجيه كامت تحجي :- شبيها اخلاص ..
تركنا بالغرفه و كام طلع ، اني خازره بيهم ، عيوني تلفانه من الدموع و هي تستفسر على عيون اخلاص ،كمت منهن ورحت درت كعدت ع التخت
و الحجيه تستفسر من اخلاص شنو صاير ، اخرها اخذتها وطلعت برا وراحت لغرفتها ، فضت الغرفه وحدي ، اخذت نفس بقهر ، شلون راح تخلص ايامي ...
دقيقه ما طقت تكعد كبالي شلون لو كابلتني عمر ، حطيت وجهي بفراشي ، ما بيدي دموعي تجري وحدها ، من اتخيل هو واصلها اموت
شويه و رد هو فات صاح على حلا بنتو ، جت ركض كال الها :- بابا شيلي الاكل من هينا نزلي
.. اني دافنه وجهي بالفراش و هي لملمت ، رادت تحجي وياه ردها :- تعبان بويه نزلي الاكل هسه
اخذت وطلعت ، سد الباب وراح بدل تيشيرت وبجامه وجا للتخت ، اني دايره عنو ومنطيتو ظهري ، حط راسو على راسي ونام يمي ويهمس
:- حظنج وليله يمج ما ابدلو بالكون كلو
ما رديت ، هديت ، بس ما برد گلبي ، مجرد تفكير انو اكو مرا بهذه البيت تشاركني بصراع ، وحدها الفكره مرعبه وتذبح ..
الهوسه لسه جوا و البيت ما هدئ ، بس عيوني قفلن ع النومه وهو ثكل راسو عليه وانفاسو هدت ، يعني نام ، نمت بسرعه
مرات لما الأنسان يكون خايف ومتعذب ومنقهر وفجأه يحس بالأمان ، اول شي يصير وياها يصيبو النعاس و ينام ..
لهناك كعدت اني على ايدو ، شلت راسي عنو ، دحكت بي ، شعورين بداخلي ، شعور يحبو وشعور لو بيدي اذبحو
ما اعرف هلرجال شنو مسويلي رغم كل اذيتو گلبي يخلقلو الف عذر لحتى يسامحو ، بس عقلي رافض تماما انو يسامح ، لأن تأذيت بما فيه الكفايه
دحكت وتذكرت للحظه هو جان ويا اخلاص ، ع السريع لعبت نفسي وگمت منو ، فتحت الباب وطلعت
نزلت الكل نايم ، خالة اخلاص و اختها وحلا وكم مرا نايمات بالأستقبال ، اطخ ابالي احرگ هلبيت كلو بيهم ، بس ما يستاهلون الطخ ايديه بيهم واتحمل ذنبهم ، الرب ياخذ حقي ويسوع ما حينساني
فتحت الباب وطلعت للحديقه ، كعدت وضميت نفسي وادحك بالكراج و بالبيت واتذكر فرحتي اول ما دخلت لهين ، وييييي شكد جانت عندي امنيات واحلام ، كلها تبدت
ولا حلم من احلامي تحقق ، ولا شيء ردتو صار لا دراسه ولا بيت ولا حياة سعيده ولا اي شيء ، اني منحوسه ، لو بيه خير جان ما جيت لهين ومتت ويا اهلي بالموصل
جاي افكر ، شفت عتوي اسود يدحك بيا ، ع السريع گمت فتت للبيت خفت ، دحكت من شباك المطبخ مموجود ، طلعت ادحك وين راح ، ادحك ماكو بالحديقه
ادير براسي وادور وينو ، حسيت شي يلمسني فزيت بساع بقوه وصرخت حط ايدو على حلگي
:- هششش ماكو شي هشش شبيج هاذ انه
-وخر مني
ابتعدت منو ع السريع و دگات گلبي سريعه من الخوف
-شدسوين هين
-معليك
عفتو وفتت جوا ، واحاجي نفسي:- هو نفسو العتوي اللي شفتو گبل ، لا ذاك ابيت هيام غير، بس يمكن يشبهو هم اسود
فتحت الثلاجه اريد ماي ، كلها اكل من العرس ،ضربتها ع السريع ، اندرت هو ماكو :- وينو هذا ؟
رجعت طلعت برا هم ماكو ، اتلفتت منا منا ما هو ، صعدت فوك ، يمكن من الباب الثاني راح الغرفتها ، ردت افتح الباب عليها ، ما اعرف استصعبتها
بقيت حايره وروحي متعذبه ، شنو من عين صلفه واني كاعده يروحلها اريد افوت وما عندي الجرئه و خاف اشوفو يمها واجن
بقيت افتر بالصاله ، شفتو صعد، تقربت يمو بعصبيه سألتو :- وين جنت
-بالحمام البرا ، شبيج ؟
-اكرررهك
عفتو ودخلت جوا واحجي ويا نفسي :- الى متى راح ابقى بهالحاله واخاف كلما التفتت وما لكيتو ..
طلعت فراش من الكنتور وفرشت بالكاع ، جا هو
:- ليش تفرشين هينا طلعي ع التخت
-معليك
-ليليان بطلي هلسوالف وطلعي ع التخت
-ما متحملتك ولا متحمله گربك اكرهك الى ابعد ما تتصور
-كرهي براحتج بس فراشج ما تعزلينو عني ، ردي
-ما رديت ، جريت البطانيه وتمددت ع الكاع
هو بقى خازر بيه ، تركني وراح مد سجادتو وكعد يقرأ قرأن، الى ان اذن كام صلى وطفى وجا حشر نفسو بفراشي
-كووووم ما اريدك يمي يلا
-نامي
ورجع راسي للفراش
-ما انام كووووم ما اطيقك يا اخي ما اتحمل وجودك يمي ، تلعب نفسي منك ، انت شنو من نفسيه مساعه يمها وهسه جاي يمي وخر مني
-شكثر تحجين ، شو نامي
راد يرجعني للفراش ، ربعت رجليه وكتلو :- ها اها ما انام يلا كوم
-اي براحتج
جر الغطا ونام ، بقيت ادحك بيه بعصبيه :- شكد مستفز ومتعمد يستفزني
بقيت كاعده ، وهو من صدك نام ، جريت الموبايل من الميز وكعدت اتصفح بيه ، لحد ما ادري شوكت نمت ، صحيت ع الباب وهو يندك واني بين اديه مدري شخلاني بحظنو ، شال راسو صاح :- منووو
نور:- ابو حرب عمي صالح جوا هو ومرتو ، يريدوك
-كليلهم ما موجود
-بس سيارتك
-كوليلهم مثل ما كتلج
حجاها و رد راسو للمخده
-لا ليش ابو المحروسه مرتك روح استقبلو بالاحضان
-ما احب النسيب ، ومالج شغل انتي
-اذا ما الي شغل عجل شعندك لاطش روحك يمي
-حرمتي وكيفي ، الطش وكت اللي يحلالي افتهمتي
-ما فهمت وما على كيفك
حسيتو يتمهزء بيه كمت منو ، وكعدت ع التخت ، هو سحب الجهاز وبقى يدحك بيه والتهى يتصفح ، اني شغلت التلفزيون وكعدت اطمش بلا اهتمام
ردت اندكت الباب ، صاح بملل :- فوووت
فزيت ع السريع نزلت يمو كعدت بقى يدحك بوجهي استغراب بأبتسامه
فاتت ام وسام :- صباح الخير
وهو يدحك بيه ، اندار عليها :- صباح النور كولي ام وسام
-ابوي جوا ويريدك
- هسه انزل
- بقت ادحك بيها ، خزرتني وطلعت
صراع :- ما اريدك وحيلك عني ، شو بس اندكت الباب لطشتي روحج ، شعندج ؟
-معليك
عفتو وگمت
گام من الفراش يمط بجسمو ، ودنك باس خدي ، دفعتو ع السريع :- وخر لا تلمسني
-احبك يا حيوان
-مستفز
ضحك وطلع من الغرفه ، ولا على گلبو هم ولا مهتم ، احر ما عندي ابرد ما عندو ، ولا كانو صاير شيء ..
راح للحمام ورجع بدل ونزل ، وبقى جوا ، ضجت حيل وبقيت افتر بالغرفه ، لا بيه انزل واشوف وجوهم تلعب نفسي ولا اكدر ابقى بالغرفه
بقيت ابجي من كد ما احتاريت :- شلون راح ابقى هيج ما اتحمل ، من يجيني تلعب نفسي منو ومن يروح گلبي يشتعل نار
شويه وفاتت ساره بنت هيام تكول :- خالو يصيحج يكول نزلي تغدي
-كوليلو ما اريد
سدت الباب وراحت ، وره شويه فاتت نور و بيدها صينية غدا :- كعدي يولي تغدي شوفي شصاير بحالج
-ما اشتهي ، صراع وين
-تغدا و كال وديلها غدا وطلع
-وين طلع
-ما اعرف اخذ سيارتو وطلع
-اخلاص جوا مو
-اي جوا، ولج كعدي خل اسولفلج ع السريع
-شكو
-غير البارحه ضاربها
-شوكت
-من هم بالغرفه سمعتها تشكي لخالتها تكول جيت احظنو ضربني راشدي ويكلي لو عندج كرامه لا تضلين هينا انه ما اعتبرج غير وحده ساقطه
-عجل شلون اخذها ، اذا ما يريدها
-ما ادري والله
- جذاب ما اطيقو ولا اتحملو
-لج والله ضحك الدنيا عليها ، من نزلو من الزفه ما فات وياها ، هي دخلت البيت وهو طلع للرياجيل ، ومن كمل وطلع من عدهم فات لغرفتج وشايفتو وحده كرابتنا غير شهرتها شهيره
تكلهم ما يريدها مبين عافها وراح للزغيره ، وغيرها تكلها حقو ، اخلاص وين وذيج وين شفتوها بالفاتحه شلونها
كلها كامت تتشمت بيها
　-منافقين ، مو هم اللي حجو لان ما قبل يتزوجها
-الناس تحب الشر ما تحب الخير لاحد ، لا الج ولا الو ولا الها ، الناس انطيها شماته ، وهو من صدك ضحك العالم عليها ، ام وسام البارحه رادت تتكاون ويا الحجيه لان بات يمج وترك اختها بليلة عرسها وحدها
-هلحجي كلو ما يوكل خبز ، هي صارت مرتو بهالبيت ، شيقنع كلبي ويرضى راح اموت
-شتسوين يولي هاي قسمتج المهم هو يحبج الج ويفضلج عليها
-اي مو حظرتو السلطان سليمان وارضى لان اني مفضلتو ، شتحجين انتي نور اني دا اموت
-الله يصبرج ويقويج حبيبه
... نور طلعت و بقيت بالغرفه ما اشتهيت اكل ، خلكي مر من القهر ، من يطلع احس روحي تلوب ليما يرد ومن يرد بودي اكلو من الحرگه
موبايلو تاركو يمي ، بقيت الهي نفسي بيه ، وكل شوي يخابرون عليه ، اتصلت الحجيه انطيتها رفض من كد ما ضايجه منها
بقيت فترة يومين ما اطلع من الغرفه ابد ، ما الي خلك ادحك احد ابد ، وهو لو يطلع برا ، لو يكعد بالغرفه يدحك اخبار ،
موبايلو ما اخذو مني ، بقاه يمي لحتى ما اضوج ، بس ما احجي وياه ، ولا هو بعد لح وبايه بس يكعد.يمي بالغرفه ، كم مره حجه بضوجه وتململ لان عازله فارشي منو ، بس مهتميت ، لعبت نفسي منو واني اسمع صوت اخلاص جوا
خلصت هليومين ع البسكت و الكرزات اللي بالغرفه .. ما نزلت واكلت ولا اريد ادحك احد ، الحجيه تتصل على رقمو تعرف موبايلو عندي وما ارد عليها ، تبعثلي اكل بيد الجهال ، وما اكلو اردهم
.... دنيا الظهر جا من الدوام ، فات زت عليه مستندات و قلم ووكف يبدل ، وكال :- وقعيلي يمج
-شنو هذا
-ملج علاقه ، بس وقعي
-قريت ، كانو مستند مال بيت و طابو بالموصل بمنطقة المثنى ، رفعت راسي :- شنو هذا البيت
- صار فتره من اشتريت بيت بالموصل وجاي امشي بأجرائاتو ، راح اخلي بأسمج
-نعيش بي ؟
-لا بس سند الج ما تعرفين الدنيا شبيها
-و شيفيدني واني كاعده احترك هينا ، جاي تلعب على عقلي انت ، اني ما رايده حياطين اني رايده راحة بال
-كمل ملابسو وكعد يمي ع الفراش :- شنو بيدي ، ما اتمنى يرتاح بالي وبالج ، والله ما اريدها و ما اريد اظلمج لهيج حطيت هلبيت بأسمج
-اني ما اريد البيت اني اريدك الك ، البيت شيسندني لو صفيت وحدي
-انه ما اتركج ولا راح اتركج
- عجل خل نشيل منانه
-وين نروح
-نكعد بالموصل
-ما اكدر هينا امي ودوامي واهلي وناسي
-اهلك وناسك شحصلت منهم ولو انت ميهمك عذابي
-انه لو ما اهتم لعذابج ما افكر بيج واحط سند الج بالموصل
-وشعندك مشتري بالموصل اذا ما تريد تكعدني بي ، اني شضل الي بالموصل ؟ اشتريلي بيت هينا وكعدني وابعدني عن اهلك خليني ارتاح
صفن بوجهي شويه و رد حجه :- اذا الطلعه من هينا تريحج ما عندي مانع ائجر بيت صغير ونكعد بيه ليما اطرد لميعه واطلك اخلاص ونرد هينا
-بقيت ادحك بوجهو ما دام فكرلها وصفن يعني عندو حسبه براسو :- لا ما اريد ، اطلع من هينا واترك بيتي اللي اثثتو كلو لاخلاص وتصير هي مرتك كدام الناس واني منفيه ..
وبعدين اني مكابلتك وانت تفوتلي بألف وكر وتطلعلي بالف حيله عجل لو كعدت وحدي شتسوي ، يا غافل الكم الله
وامك ام الدين هسه ادورلك حقوق شرعيه وعاد انت بالحقوق ما تقصر وتلعب من وراي و اني الماي من جواي ، لا ما اطلع من هينا
ابتسم بوجهي واني احجي :- اكص ايدي لا ما طلع طابك خيط بعگلچ . مجنونه
-كلو من وراك انت الجننتني بحيلك و الاعيبك
-بكيفج ، انه العليه سويتو والعندي گلتو
گام ، گمت وراه :- اذا تريدني ارتاح صدك تترك دوامك ونروح نعيش بالموصل وكل اسبوع نجي خميس وجمعه هينا اني وياك
-ول يابه فد مره گضبي شاربي ومشيني ، لتحلمين ، عيشه بالموصل ماكو ، تريدين بيت اجر متريدين انچبي وكعدي هينا
- اكرررهك
عفتو ورجعت لفراشي ، هو راح نام ع التخت ما رد عليه ساعه وبدل وطلع ، واني باقيه بفراشي و عالموبايل
فات بليل كال :- كومي نزلي تعشي
-ما اريد
-يولي راح تنكطعين ليمت تبقين هينا
-معليك
- عجل كومي طلعي يمي ع التخت كافي باعده روحج عني
-ما اريد
-ول ابويه حسي على دمج كافي ، دكلج والله ما اريدها ، حجايه انطرت بديوان زلم ، اروح اكسر بيها واكول ما اريدها واهي بنت عمي ؟
-لا عيني لا تكسر ولا تجبر ، من الاخير شرايد
-رايد حقي
-هههههي والله عليك كل سالفه ، روح حباب روح لاخلاص خل تنطيك حق اني ما الك يمي حق لعبت نفسي منك
-تره هي مو صعبه اكدر اروح اخلص حاجتي يمها وافضها ، بس دا اكولج و الله ما ارغبها ولا اريدها كافي من عرسها ولهسه انه ما مدحك بيها ومكابلج يول بعد بيش احلف وتصدكيني ، اشتاقيتلج حسي على دمج عاد
- اندرت نمت وتغطيت
-مو احجي وياج ؟
-روح صراع ما الك شي عندي
-للمره الأخيره كومي طلعي ع التخت
اندرتلو بعصبيه :- والله تحلم بيه من هينا وغادي هذا فراشي وذاك فراشك يعجبك يعجبك ما يعجبك هذا العندي
-شو كوميييي
وجرني من ايدي حيل وكفني لحيلي :- شبيك وخر دكلك ما اريدك
دفعني ع التخت :- دحكي يولو لا شفتيلج وجه ادوريلج بطانه تره انعل سلف سلفاج
صرخت :- هو هذا اللي فالح بيه عبالك المراجل بالتخت ..
اني حجيت وهو انجن سحلني من رجلي و كضبني و من ركبتي :- دحكي هين من اشوفج المراجل واضربج بالف انعال وما اهتملج حالج حال ذيج وكتها اعرفي المراجل من صدك حقييييرا
:- تلعب روحي حتى من خلقتك
ع السريع انطاني كفي وغصبني عليه بقوه ، كمت ابجي واصرخ تحتو ما اريدك ، هو يبوس ركبتي بعصبيه واني امسح بقوه وادفع بيه وابجي
جردني وطبق كل همجيتو بيا ، ابتعد وكضبني من فكي :- يكون بعلمج ما تريديني ما ترغبيني شي يخصج ، انه وكت اللي اريد راح اخذ غصب كوا باللي يعجبني
دفعتو وهو كعد على جنب ، جريت ملابسي واني ابجي :- انعل اليوم الشفتك بيه وانعل يحيى وعابد اللي بلوني بيك
احجي واسحب بملابسي وهو تمدد رجل على رجل بطرك الشورت و ورث جكاره ، ويكولي بكل استفزاز :- اعصابج يحلوه ولو من تعصبين تزيد رغبتي بيج
-الله ياخذك واخلص منك يا ظالم
-والله لو شما تسوين اضل اعشكج
ضربت الباب وراي ما اتحمل اسمع صوتو ، لعبت نفسي منو ، رحت للحمام اسبح وابجي ، واغلط واسب بيه وانعل اليوم الاجيت بي للرمادي ودحكت ملتو
طلعت من الحمام ، دحكت اخلاص ع الدرج ، من حركة گلبي ردت اغثها حجيت :- ااااخ ظهري ، شلون بصراع اللي ميكعد راحه هلكني
اندارت عليه وضحكت :- لا تفرحين جثير خطيه انه كتلو روح طيب خاطرها من يوم الاجيت ولهسه ما كن طلعت ، خفت تموتين من حرگتچ
النعال مال الحمام برجلي دفرتو من رجلي وضربتو بيها وكلتلها :- يا ساقطه يا بواگة الزلم
اني سويت هيج شو هاي هجمت جنها ثور ، شردت ع السريع للغرفه وهي وراي دا افتح الباب طلع صراع بوجهي انضربت بيه و اندرت وراه اتحامى بيه
وهي تصيح تعاي لاكضبج ، دفعها حيل للكاع وكاللها :- حيلج عنها لججججج
وكعت بالكاع دنك عليها من شعرها وزكح بيها :- من توصلين يمها احركج بكاعج كلبببببه
كامت تبجي وتكلو تفشر عليه والله
سديت الباب واخذت المشط امشط ، سمعت الحجي صعد و ام سعد ، امشط واني استمعلهم وهو يصيح ويغلط عليها ويكولها:- خلك نعال انتي هينا ما الج حجايه ويا احد ولو سمعت حسج يعلى من الركبه احزج
...فتحت الباب شويه وكمت ادحك على كيف ، صارت هوسه برا والحجيه صعدت و الحجي يكلو :- انت ما ترد ذيج الفشرت عليها ، كدرتك على هلمسكينه
وصراع يكلو :- انت كلمه ما اسمع منك ولا اسمحلك تدخل بحريمي
ضاج وبقى يصيح ويدعي عليه و الحجيه تحجي وتكلو :- حرام عليك يمه ما يصير هيج
وهو زكح بيهم وجر اخلاص من شعرها وفوتها للغرفه وضرب الباب سدو ويكلهم ، اريد كو.... يدخل الا اشعل شيب اهلو
وبقى يزكح ويصيح شافوه عصبي كلهم نزلو ، وهو راح للحمام سمعت ضرب الباب بقوه ، كملت تمشيط ونزلت للهول ، بس لميعه واكفه
:- الله لا يوفقج يلمسمومه
-عفتها ومشيت للمطبخ ، جوعانه اريد اكل صار ايام مخلصتها خفايف ، دحكت شاكل ، شهيه ماكو ، اخذت لبن خليت عليه شكر خفكتو وشربتو
بقيت استفقد بالمطبخ ، شويه ونزل هو ، فات و الحواجب معقوده ما حجه شي اخذ سيارتو وطلع
صعدت لفيت راسي ونمت ، حسيت عليه من فات يبدل ، دحكني مفتحه عيوني جا تقرب وكعد ع التخت
:- ليليان تالي وياج ، يولو تركعيها بالنعال برجلج شنو تصرفات الجهال
-وشبيها ليكون ما عاجبتك
-عقلي وعدلي تصرفاتج تره للصبر احدود
اندرت عليه وكتلو :- ما مجبور تصبر تريد طلكني واني احير بروحي وترفاتي هذه اللي ما عجبتك اني مسؤله عنها ما مثل غير الناس ادير تصرفاتو
ع السريح رجع كتافي للتخت و خلى ركبة رجلو على صدري وزكح :- شقصددددددج يول
خفت من ردة فعلو حيل :- ما قصدي شي والله ما عليك
-ليليان جاي تتتمادين والظاهر جلدج يحكج صارلج فترة ما كن انطكيتي ، واني ساكت وكاضب اعصابي عليج واكول حكها فاستري على روحج لان اذا طخت براسي ما ارحمج
ما رديت بس بقيت ادحك بيه بخوف ورافعه اديه احامي ، كام مني ، اندرت و تغطيت ابجي
ما اهتم ابد ، اندار نام من الجهه الثانيه وتغطى ، بقيت ابجي وهو ولا يمو ، كعدت وصحت :- اي بعد ما تهتم لو بجيت اللي تريدو اخذتو ، اصلا اني ما خذني بس حتى ترضي رغباتك
اندار يدحك :- ليش ما تنامين
-ما اريد طلكني
-باجر الصبح اطلكج ادللي
-اي اي اتزوجت وبعد ما يهمك اطلكني لو لا ، عندك اسبير ما تهتم ، موجوده خلوص ام حثل اساسا تلوكلك اني اريد اطلك
دا احجي ، التفت بعصبيه ، سكتت
-لو شفتج نمتي الا ابتلي بيج بهليله ، ع السريع تغمضين عيونج ولو سمعت حسج لو بجيتي الا انهيج
-رجعت نمت وجريت الغطا فوك راسي
وهو يكول :- نسوان ما تجي الا عين الحمره
واندار نام ، واني ما جايني نوم ، شويه شلت راسي ، هو نايم ، كفيت الغطا ورحت جبت الموبايل وكعدت اطمش ع المسلسل
صاح :- الصوووت
نصيت وتغطيت لحد ما صافنه بيه ونمت ، حسيت عليه وهو يجرو و يقفلو ويمد نفسو من فوكي ويحطو ع الميز
اندرت وخليت راسي بصدرو ، شال راسي ومد ايدو ، اخذ تنهيده وباس خدي ، و نمنا
كعدت الصبح دحكت الساعه ١٠ ، هو رايح للدوام ، كفيت الغطا ونزلت
اخلاص جاي تكنس و نور بالمطبخ ، ع الطباخ طاوه مقبقه مطفايه ، شلت الغلك بيض ولحم مخلمه حاجيت نور :- النائل ؟
-لا لأخلاص كالت اكمل شغلي واكل
-هاا ، شلتو حطيتو بصينيه وكعدت بالكاع اني و التوم مال نور ناكل هم خلصو الطاوه اكل بأديهم و نور تضحك وتكول :- عزا بعينج لو جا الثور وما لكى العلف ينطحنا
-شحدو نحن جايبينو للحراثه من يكوم ينطح نطلعلو الاسد يكضبو يطيح حظو
نور:- ههههههههه عجل دحكي الثور جاي من الكراج استعدي
فاتت شافتني گامت تتنافخ ،غسلت ع السنك وراحت للطبخ ، اسغربت ماكو العلف مالها ، فتحت الفرن مال الطباخ ، ماكو
اندارت لنور :- الأكل مالي وين.......
دا تححي ودحكت الطاوه ياكلون بيها الجهال واني كاعده اشرب جاي
الثور واكلو العلف مالو ، هاجت علينا وصاحت :- انتي شلون تاخذين ريوكي
-والله بيتي واني حره ، اكل اللي يعجبني
وخرت الجهال من الصينيه وشالت الطاوه ، دحكت ملعوصين بيها ، اندارت لنور
:- ليش ما تستحين ما شفتيني من سويتو ليش تنطينه لجهالج
-والله حبيبه انه مالي غرض ليليان اخذتو وكعدت الجهال توكلهم
ضاجت حيل ، وبقت تخزر بيه ، وراحت للحجيه كعدت تبجي يمها ، وكفت ع الباب اسمعها تكولها
-دحكي عمه اني شسويت وياها ، هجرني من ليلة عرسي وسكتت و ضربتني بالنعال و ضربني فوكاها وهسه حتى على لكمتي هين مواكفتني انتي حكمي بيا انه شسوي
فتحت الباب :- محد كايلج تعالي ابيت واخذي رجلي وتلزكي بيه انتي ما عندج كرامه ولو عندج ذرة كرامه ما تبقين هين
الحجيه :- ليليان احترمي نفسج يولي لا تجنين على نفسج
-اني ما حاجيه وياج ولا كلمه تجمعني بيج من هينا وغادي ، انتي اللي زوجتي و انتي اللي كسرتي ركبتو بهالزواج
انتي اللي اخذتي رجلي مني وكسرتيني وما همج بس مصلحة ابنج ، ما كلتي هذي منو الها
-ولج انتي ليش ما تعقلين ماخذتو منج شوكت هو انتي منطيتو فكه ماخذتو حصر يمج ما مخليتو يدحك دربو وانه ابني اريدلو جاهل يسندو لو تحبينو صدك جان ضحيتي لاجلو ولاجل يصير عندو طفل مدامج ما تخلفين
-عسى بعمركم ما تشوفون الجاهل والله و العذراء مدام زوجتي وما اهتميتي اليه ، لخلي هلبيت هذا يتهدم من مشاكلو ، لخليكم تتمنون تعيشون يوم بلا مشاكل و الله لاجلطكم واحد واحد وانا كاعده هينا
كمت اصيح واعيط والحجيه ترزل بيه واخلاص كاعده يمها تتبجبج ، وكتها محد جان موجود غير النسوان ، بس من درت وجهي لكيت سعد طلع من الأستقبال ولميعه وراه
عفتو وكعدت بالهول امسح بدموعي وهو فات ع الحجيه وكال :- هلله هلله ع المصلاويه ول ياب منو وياها
الحجيه:- منو وياها ، ليش هيج صايره تنكدر حتى احد يتقارش وياها بس هين يليليان ، يولي انه ادعين عليه وعلى ابني
سعد :- لا حجيه لا لا تلوميها تراها حكها ماخذه زلمتها
-مصدك
انت ماخذه احد منها ، يول صرعت راسو الزلمه ان جان ينزل يمنا ساعه ، هسه ربع ساعه ما يكابلنا من الشارع لغرفتها وهاي المسكينه من عرسها ما شافها ول خلقت من ابني ظالم
- انه الخلقت منو ظالم و اني الظالمه وبس انتم اللي تعرفون الرب ، الله ياخذكم كلكم واحد واحد واخلص منكم
لميعه :- دحك العرامه شوف ، محد كوا راسج غيرو ، جيتي هينا عينج ما ترفعيها من تالي ترفعين صوتج على امو وتدعين
ما عرتلها اهتمام كضبت الريموت وبقيت اگلب واخذني الواهس كعدت ع التلفزيون ، فات الحجي وهو يردد ويا نفسو :- لا بارك الله بهلوجه
ما اهتميتلو ، بقو كاعدين هو وسعد و الحجيه جوا تحجي هي واخلاص وتكولها :- سكتي يمه صبري تراه تعبان ولو تلكيتي بالمشاكل يتعب اكثر وتثير اعصابو وتعال جيب اليسكتو جفينا شرها وعوفيها
.. هي هاي عادة الحجيه ، وكت اعصابي اخيط واخربط كبالها بس ابد ما بيوم شکتني لصراع وخلقت مشكله بيناتنا
لان هو عندو امو خط احمر يا ويل اليتعداها ، وهي تعرف هالشيء فما تحب المشاكل وكل همها انو هو ما يتعب واتعب راسو بالمشاكل
بس وكتها الوضع اختلف ، سلم سعد و طلع ، انسحب الباب مال الكراج ، عرفت جا صراع .....يتبع

☆☆☆☆☆☆