المراهقة والأربعيني الحلقة (73)
المراهقة والأربعيني
الجزء الثاني
الحلقة (73)
... تركتو نام ورحت للحمام .. رتبت نفسي
ونزلت .. شكد عجيب هلرجال من اكون وياه شكد افرح ونفسيتي تتحسن ومن نتزاعل احس
موتره وعيشة خنكه تصير
.. كعدت
بالهول شويه ونزل هو .. ع الدرج ويغمزلي ها ام الحقوق ان شاء الله وفينه الحق
درت وجهي
:- اوووو شيفض هسالفه بعد وكعت بحلكو شيخلصني ..
نور دا
تصب جاي وحلا واكفه .. كال الها :- باباتي استكان جاي
-وليش مو
اني ؟؟
- لا لا
انتي شغلتج حقوق .. اكعدي ما اريدج
-فتحت عيوني
.. هااا .. خوش
جا كعد
يمي :- الا شلون حق ياريت كل الحقوق هيج تكون ..
-صراااع
انسى هسالفه
-بروح
اهلج بعد كلما تزعلين طالبيني بحقوقج
-اهوووو
.. يضحك و
يفرك بسبحتو .. كعد الحجي ع التخم وصاح :- اااااخ يا يابه
صراع :-
ها حجي خير شبيك
-والله
يابه ظهري حيل يوجعني انت لو نائل واحد منكم يروح يجيبلي هاي اللزكه ام النسر
التنحط ع الظهر
-حجي على
كيفك بنفسك تره والله تموت وام سعد ما تفيدك
-ليش ولك
خايب عجل انه شسويت
-والله
حجي شفتك سبحت الصبح
-خايب
عينك عليه والله ما سويت شي وتراب اخوك
-لا تحلف
حجي
... نريد
نضبط ارواحنه من الضحك انطلق صراع وارتاحت نفسيتو اشتغل مداهر ويا الحجي ويحجي
برهاوه فطسنا ضحك
الحجي :-
وانت اشدخلك شنو بس حلال عليك ساعة وكتك انت بالحمام
رفع اديه
ليفوك والسبحه بيدو:- اااااااااالله اكبر كلها مراقبه صراع وانه كلساع فايت سابح
من ضيم گلبي .. احترك واروح بالميات اطفي ارويحتي وعينكم وراي شهلعيشه الماصخه
يربي
..... حطيت
راسي ورى عمتي وغصيت ضحك وكلها ناطه من الضحك و هو يضحك ويفرك بسبحتو ويهز براسو
.. الحجي هز
ايدو وكام ضاج .. :- ما منكم رجا اكوم انه اروح اجيبلي لزكه احسنلي
... فات
واحنه نضحك .. عاد صراع تمدد على رجل الحجيه ورجل فوك رجل ويفر بسبحتو
ويكلها
للحجيه :- يمه اذا واحد كالج اريد حقي الشرعي شتكليلو
ندستو
براسو :- صراااااع
:- هاي شبيج ..
-الحجيه
حكها ييمه تريد حقها الشرعي
-حجييييييه
-يمه ٣
ايام مطنكر لان ماكو حق شرعي بربج ؟ شفتي هاي جنتج شكد منحرفه صايره وادور حقوق
... ديحجي
طلع الحجي بدشداشه بيضه ومخلي اديه بجيوبه ويكلهم شلونها دشداشتي كون بيها لثگه
صراع :-
حجي عفت كل الالون ولبست ابيض شنو مطهرينك احنه
... كل احنه
طكينا ضحك ههههههههههه
الحجي :-
اليوم انت شجالك علي حاطني براسك .. ضاج وكعد
.. كام صراع
من رجل الحجيه وراح باس راسو :- اعذرني حجي وما ادري عندك مشاعر
:- خلف الله
عليك يابه تالي طلعت بلا احساس
-عمي ولا
تزعل وهاي رايك ابوسو مره لخ و هسه اروح اجيبلك لزكه ووياها تلث حبات زرك بس لا
تزعل يابه الا زعلك
الحجي:-
غير يعوفني اليوم اشتغلتني
... ضحك و اندارلي
:- صعدي جيبيلي السويج فوك
.. صعدت
جبتو لكيتو برا بالكراج .. مدنك يدحك بالسياره يتفقدها
-هاا
-اندار ..
ها جبتي .. ومد ايدو
-ما انطي
ما تستاهلو
-رفعلي
حاجبو
-تصعد
الحجيه وتفرفرها هي و حلا واني هينا اضل ابجي موو
-ابتسم ..
من ايدج .. مو انه مو رجلج طلعت ولا انتي مرتي
- ماشي
ماااااشي .. تقدم عليه وهو يبتسم رجعت للسياره لا تحاول ما انطيك اذا ما تفرفرني ..
وصلت
للسياره .. تجيت ضهري و هو يتگدم وعاض شفتو ومبتسم .. :- اذا افرفرج شتنطيني
-هااه
تريد مقابل ليش هم اخذت منهم مقابل ؟
-انتي
تختلفين لازم استفاد براسج
وكف
ويايه طول بطول .. مدري خجلت وهو يدحك لملامحي وعاض شفتو ومبتسم ومايل راسو ..
ابتعد وخر هاك
..
وعطيت
السويج على صدرو وردت امشي .. لان بالكراج وباي لحظه يطلع شخص
رجعني
لنفس الوكفه :- وين شااارده حدررري لهين دشوف
-شتررريد
لا يجي احد شبيك انجنيت
-اووو من
زمان انجنيت انه .. هو اليشوف هيج فراولايه بهلوجه الحلو يكدر ما ياكل
-صراع وخر
ايدك
-زعلانه
لان ما طلعتج مو
-وخر
-ول يابه
اذا مريتي ما افرفرها عجل افرفر منو ؟ .. بس غير ضاملج حصة الاسد ..
-حصة
الأسد ؟
-اخذج
بيها ونطلع للأردن فد اسبوع هناك اني وياج نخلص من كلشي ونريح هناك .. افرفرج
اونسج ومنها اكضي شغلي .. شگلتي
.. وسعت
عيوني فرح :- صددك
.. بس
حجيتها طبع بوسه على شفايفي بعدتو بسرعه .. بعدتو .. صراااع
-بشرط
-وي صار
بيها تشرط
-عجل يابه
هيج ترديها بلوش
-شتريد
-فد دستة
حقوق هناك مرتبه و ياريت تكثريلي ٤ ارهاب انجن بيها ..
-سخيييف
.. وخر .. دفعتو وفتت وهو يضحك . وصلت لباب المطبخ واندرتلو هو مبتسم فتح باب
الكراج وغمزلي وصاح فوتي وسدي الباب ..
فتت ..
واني ادحكلو من الشباك اخذ السياره وطلع .. اندرت لكيت نور واكفه .. بس دحكت بيها
دنكت وطلعت..
.. خلصت
شغلي وصعدت فوك مكيجت وسرحت شعري ورتبت نفسي بمزاج على اخر حبايه حتى ذهب لبست ..
مدري ليش ارتاحت نفسيتي ..
نزلت و
الحجاب مخليتو على جتفي بس من يفوت نائل البسو .. لكيتو جايب للحجي علاج ولزكه ..
دحك بيه
كن لما انزل ع للدرج لحد ما استقريت ع الكاع .. .. كعدت يمو مبتسمه وهو يدحك بيا
بعدو وهمس :- شقراء من قوم عيسى من اباح لها بقتل امرئ مسلماً مات بيها ولهآ
.. ضحكت
اندار
عني وهو يفرك بسبحتو .. :- اكلج يمه انه يومين وطالع للأردن عندج شي تردينو من
هناك انتي الحجي
الحجي:-
شوكت تطلع
-والله فد
يومين اخذ ليليان واطلع
-رايح شغل
لو ونسه
-الاثنين
.. ام سعد
كاعده دحكت بنور وعوجت حلكها وهزت ايدها .. ونور دنكت ..
.. همستلو
:- احبك روحي من الدنيا انت
دنك راسو
ويسبح بسبحتو ما رد .. سألو الحجي :- سيارتك مخلصها انت معاملتها
هز راسو
بمعنى اي
... كملت
شغلي و صعدت .. هو بقى ولد عمو اجو وكعد وياهم .. تحظرتلو لحد ما اجا .. بقى طول
الليل يتغزل ويدلل .. وي طيرني فوك السما ..
يومين
وطلعنا للأردن اني وياه .. اول يوم وصلت تعبانه .. تركني بالشقه انام وراح هو يشوف
شغلو ..
رجع بليل
تعشى وشوي كعدنا مع بعض ونام بقيت الليل كلو سهرانه للفجر يلا نمت ..
كعد هو
الصبح ينده بيا ما اكدر اكوم نعسانه .. للظهر يلا كعدت فرفرني بمناطق واماكن ما
شايفتها هلكد سنه عايشه بالاردن بس ما شفت هيج مكانات حلوه .
اشتريت
اللي اريدو ماركات مكياج وو بدي انام بيهم .. ملابس عطور .. ما خلى شي بنفسي
ثالث يوم
اخذني مدن العاب صعدني .. هو اكو العاب يصعد ويايه والعاب يتعذر منها ويكولي صعدي
انتي انه ما اكدر بعدها اخذني على حديقة حيوانات وفرفرني بيها .. صراحه كل هلأماكن
اني ما شايفتها ولا بعمري داخله هيج او لاعبه من جنت صغيره ياخذني بابا العب بسيطه
بالساحه ما العاب جبيره وهيج اماكن .. صح ما جان مقصر ويايه بشي بس يبقى وضعو بسيط
عيشتو على كد يومو وتجي ايام ما عندو اخذ خرجيتي من ماما لان خالو يبعثلها فلوس عند
صراع شفت دلال بعمري ما شايفتو .. صح عصبي وعصبيتو ما تنطاق يسب ويغلط و تصل
بعصبيتو للضرب بس لما يهدى تاخذ الثوب العليه ..
عندو نفس
طيبه وكرم ماكو مثلها ..
يمكن
هلاماكن لو جاي بوحدو اتوقع ما يجي ولا يشوف حيوانات لو العاب ولخاطري جاي لهين ..
احس متونس بس لان اني متونسه من ادحكلو اشوف بحنيتو اب اكثر مما هو زوج .. وصفة
الاب بيه احبها اكثر من ما يصير زوجي .. لما احس بهلأحساس .. فورا احس بالامان
يومين
عشتو من احلى ايام حياتي كلها ...
بس ....
اكو شغله
انتبهتها بصراع .. انو هو ما رايد طفل مني .. اسالو اكلو ليش يكول :- هيج احسن
شنسوي بالاطفال
.. الصراحه
هلشي ضايقني كلش وصلت بيه ابجي انو ليشش اني اريد طفل .. وهو يصيح مو زين عليج
شنسوي بالطفل
ما
افتهمت هلكلام وبقيت مصره الا اريد طفل .. امنيتي اجيب طفل ليش تحرمني وهو كام
ميرد عليه
...
وصلت بيه
الحاله كرهت حتى قربو .. ويبقى يتضايق .. و هلشي لمصلحتج انه ما رايد طفل
-اني
شعليه بيك اني اريد طفل
-يولي مو
زين عليج تركي هسالفه سنه سنتين الله كريم شعدنا
- ليش مو
زين عليه مو كل مره احبل .. انت تخفي عني شي ليش تتصرف من كيفك وكانو هلقرار يخصك
انت بس
-يولو
يخصني شنو .. انه قابل متأذي غير لمصلحتج ول يابه شيفهمها .. ليليان الا اكولج
الدكتوره كالت لو حبلتي مرة اللخ تخسرين الرحم وما تكدرين تجيبين
-ليش
-اجهضتي
هواي واخر طفل جثير مأذي الرحم ما ترهم تحبلين .. حمل ماكو انسي
-يعني اني
بعد ما اكدر اجيب ؟
-مو هيج
بس يحتاجلج وقت ابويه انتي ما اريد اخلي ابالج بس هلشي لمصلحتج والله ..
... حيل
تضايقت من گلي هيج .. بعد ما صارلي واهس بكلشي .. وهو اول بدايه كام يواسيني
وبعدين خلصها طلعات التالي الليل يلا يرجع ٤ايام اني محبوسه بالشقه وهو ما عندو
غير يجي ياكل ويدور حق وينام .. حتى حجي بيناتنا ما صرنا نحجي يشتغل هوايه وما
اعرف شنو يشتغل .. بس يرجع شحجي يكولي والله تعبان ضجت حيل بليل انتظرتو لل١٢ وهو
ماكو عفتو ونمت .. جا هو بقى يحاول ويايه منا منا .. كتلو تعبانه اريد انام
-تعبانه
!! من شنو يولو تعبانه حالبه الهوايشه لو حارثه الكاع شبيج ليليان رجعتي تتنحسين
لو ما ساعة ووكت انتي فاضيه بالشقه وما عندج شي
-هاا اها
اسأل روحك جبتني فريتني يومين و ذبيتني هينا ٤ ايام نا اشوغك وبس احجي وباك تكولي
تعبان ومن اكولك تعبانه ما تعذر
-انه غير
جنت اشتغل ول يابه شبيج جبتج لهين غير نرتاح هم راح تكلبيها نكد
-بكيفي
اني ما عاجبني مليت وانت نا تجزع لعبت روحي ..
-اذا صارت
على المزاج عجل براحتج .. جر الغطا ونام .. اندرت عنو .. حاولت ارجع انام طارت
نومتي .. كعدت بتململ يربي حتى بالسفر اختنك وما ارتاح اندرت ادحك بيه .. هسه اني
شجاني زعلتو .. كلشي ما بيه لا تعبانه ولا ابد بس احس مختنكه ومن اتضايق اطلع
الخنكه مالتي بيه واتكاون . بهيج فعلا نا اعرف شنو احس اريد ابرد كلبي بس هم ما
ارتاح ..
جريت
موبايلو ردت افتح يطلب رمز . جريت ايدو .. فز .. فتحت بصمة الموبايل مالتو ..
تنافخ ودار راسو وحطو بالمخده ونام ..
بقيت
اكلب بالمواقع مالتو .. شفت عندو طلب لبنت باعثتو .. اسمها زهرة التوليب .. فتت
للحساب ادحك شنو هلحساب .. ويا ما دخلت انطيت تأكيد للطلب .. رجعت انطيت الغاء ع
السريع وحظرتها ..
بقيت
اگلب بالموبايل ما شفت بي شي .. تركتو و جريت ايد صراع ونمت .. للصبح حسيتو كاعد
.. دحكت كاعد يتراسل ..
-شدا تسوي
-نامي خاف
تعبانه كلشي ولا اتعبين نفسج
-دا اسألك
-ترك
الموبايل واندار .. كلمة صباح الخير ما تطلع منج وجايه تحققين
-ردت اسحب
الجهاز .. سحبو هو وخزرني :- اياج تتجاهلين من احجي وياج .. وازني تصرفاتج افتهمتي
-دتراسل
منو وتتمضحك
-مرتي
الثانيه .. ارتحتي ؟
-لا
تستخدم اسلوب الاستفزاز ما احبو
-عجل عرفي
اتصرفي واطلبي بادب واسالي كولي صباح الخير وكوبعد اسالي ويا منو دا تحجي بعدها
عود لوميني لا ما جاوبتج
-انت شنو
عود جاي تربيني لو تريد تغير الموضوع ... دا اسألك ويا منو دا تضحك
-وانه
جاوبتج
.. حجاها
وكام للحمام .. جريت الموبايل .. يحتاجلو بصمة ايدو .. عود هو ليش ما يسوي ويا
البصمه رمز
.
كمت ..
دكيت الباب
..
-شكووو
-اطلع
احاجيك
-روووحي
-ماكو
تطلع اريد احجي وياك
-فتح
الباب :- شتريدين ؟
-سوي رمز
بموبايلك ويا البصمه
-ما اريد
-ليش
-حتى احسن
.. وبعد
- عود جاي
تستفزني
-طبك
الباب بوجهي .. رجعت دكيتو ما رد .. اتصلت بيدي هاي اللي ضفتها البارحه .. ودزت
رسائل فوك تكلو وين رحت
.... دكيت
الباب حيل عليه .. ما فتح كمت ادك بثنين اديه .. فتحو ولاف الخاولي :- انتي شنو
بشر مدا تشوفين جاي اسبح
-افتحلي
الرمز
-ما افتحو
-اكسرو
اذا ما فتحتو
-دتجرئي
وشوفي لعلمج الصلافه على اصولها
-رد ضرب
الباب .. بقيت افتر .. وكلساع ادحك بالموبايل ما ينفتح .. انتقم منو والله ..
طلع من
الحمام يبدل واني متخصرتلو وهو عاقد حواجبو ..
-افتح
صراع يلا
- اريد
افتهم انتي شبيج .. يوم صافيه وعشره تمطرين فوك راسي يول اجي يمج ما طايقتني احبج
وتتململين مني يولو استجدي الكلمه الحلوه منج جداوه ... شجالج ارد افتهم عذبتيني
- هسه طلعت
اني مو زينه بس لان البارحه كتلك نعسانه
-مو شغلة
البارحه ول انه ما جيت يمج لا ما حسيت روحي ثكيل عليج .. حقي وياج كانما واجب
وتخلصي مو رجلج وبكلمة حلو وساعه خفيفه .. من وره خشمج بس تريدين تخلصين
-مو بيدي
عي شنو كوا تره مليت
-مليت
مليت مليت ماعندج غير هلكلمه .. الحطيتج بالبيت صحتي مليت الرضيت وياج صحتي مليت
الدرت عنج صحتي مليت .. كل الاخذو بكد بزرهم متعلعلين لو بس حظي ..
-انت
تاركني ونا تجي غير تالي الليل مو كاني مره .. محسسني بنت ليل عندك
-احترني
نفسج واعرفي الفاظج لا بالقران اكسرج حقييييرا بنت ليل شنو .. ما طلعتج اول يومين
وفرفرتج شاريده بعد ..
-والله
طلعتني يومين و ٤ ايام حابسني وهذا اليوم الخامس
-بالله مو
صوجج . انه لو طالع وحدي ومريح راسي هواي احسنلي بس جحش ما افتهم رحت جبتج وياي
كلت اغيرلها جو بلا ما مكابله الحيطان هم اونسها وهم اكمل شغلي .. بس والله عمي
حكج توبه وما تنعاد اطلع اسافر وحدي وعود انتي كابلي اللي تعجبج بالبيت ..
-انت شنو
مسوي عليه منيه مطلعني .. هسه عوف هلحجي هاي شكو دتخابرك ؟
-شعرفني
كعدت لكيتها بحسابي
-اني
حظرتها
-يعني
انتي ضايفتها
-بالغلط
وحذفتها ..
-شمدريني
فتت ع الماسنجر لكيت نازله بالمحادثات وكاتبتلي اكدر احجي وياك ومحظوره فتحت الحظر
وكتلها تفضلي .. بقت تحجي
- افتحلي
الرمز
-ليش بلا
؟
-عندك شي
وياه
-ولو عندي
شي شنو اخاف منج لو تخوفيني . هز ايدو واندار
-تقربت
منو .. افتحلي يلا .. حط ابهامو وفتح ..
اخذت
الموبايل ورحت ع الرسائل .. قريت .. كاتلتلو احجي وياك
راد
تفضلي
-انت من
الانبار ؟
-اي ليش ؟
-ما اعرف
بس شفت صورتك حسيتك واحد نشمي وعندك غيره وعصبي
-ول يابه
كل هاي مبين عليه من الصوره
-اي مو
يكولون الكتاب مبين من عنوانه
- هااا ..
معرفت منو انتي
-ورد
-هذا اسمج
-اي ليش
مو حلو
-لا
بالعكس .. بس هم معرفت منو انتي ومنين تعرفيني
-شفت صورك
ويا ابن عمك بالصفحه وبيدك النركيله متت عليك
-ههههه
وليش متي
-انت تدري
الله حاط شكر من خالقك
-اشكرج
-متزوج
-اي
-وين
زوجتك
-يمي ليش
السؤال
-لا بس
ردت اكلها هنيالها عليك
-على شنو
هنيالها فد واحد مغث وما انحمل
-اويلي
حتى كلامك يخبل
... وباقيه
تتغزل بيه وهو يضحك ويحازل يعرف هي منو .. انطيتها حظر ...
-متراسلها
بعد هاي فد وحده كح...
-انتي ليش
هيج السانج صاير قذر
-دا
تحاسبني وتنسى نفسك
-مالج شغل
بيه انتي .. انه رجال اشتغل بالمكافحه . اكضب الارهابي مجبور افشر عليه وعلى عرضو
-هاااه
خوش تبرر لنفسك
-ما ابرر
بس هاي شمرتنا نفشر حتى نهينو ..
-وتهينو
لالفشار
-عجل شلون
يلبطرانه .. اكضبو واكلو يا ارهابي ابن الحقيرا تعترف لا املش اختك من شعرهاااا
... هيج نهينو تريدين ؟
اهو
ارهابي يولو ونحن نفشر عليه وعلى عرضو حتى نعذبو نفسيا الرجال كلشي سوي بي ولا تصل
اسم امو واختو و هلطريقه وحده من طرق تعذيب المجرمين امثالهم . تفشر على عرضو وما
يكدر يرد ..
لهيج
الساني ماخذ افشار .. بس انتي بنيه عيب الكلمه المو حلوه تصير بلسانج
-حطيتلي
محاظره طويله عريضه بس حتى تلوف السالفه وتغلس .. هاي ما ترجع تتراسل وياها فهمت
-هاي
الفهمت المن ؟ دتأمريني انتي يولو لو شنو ؟ لا بعتقادج تمشيني بكيفج تره انه امشي
واساير بمزاجي من تتعدين حدودج احركج افتهمتي ..
سحب
المولابل من ايدي بقوه وراد بطلع
-صراع ما
تراسلها .. والله لو شفتك مراسلها اگلب الدنيا
-عود
گلبيها لشوف .. حجاها وضرب الباب وراه وطلع ..
-بقيت
افور .. هلساقطه .. رحت بحثت اسمها بحسابي ماكو .. دورة الاسماء زهرة التوليب ماكو
حسابها ليش ميطلع عندي بس بحسابو تطلع ..
بقيت
ادور متت هاي منو يربي تعبت شلون نسوان ما تستحي تحشك روحها بزلم متزوجين بس يردن
يمشن البايرات لو بيهن خير ما زحفن لرجال متزوج
هاي بس
لا اسمهان ؟؟؟
لا ما
اعتقد .. شفتها هاي من كركوك .. اي وشنو يعني يطلع الحساب جذب ومسويه بس حتى
تراسلو
-لااا ما
اعتقد هي .. ااااااخ شلون بودي اكلو لا وفوكاها بدل وعطر وتأنق واني كاعده هينا
هسه اني شسوي..
كلو مني
اني ضفتهاااا .. يربي احترك كلبي شسوي هسه وهذا ابو راس ما عون .. بس تمضحك وياها
يجي لو
ما يجي الا اكلب الدنيا والله دشوف يا صراع يا ابن نوريه شوف ..
بقيت
كاعده على اعصابي لحد ما رجع الظهر بساع بلا كلام اول ما فات :- انطيني موبايل
- هاي بويه
سيطرة تفتيش مفتحه هين
-افتح
-ليليان
تشكين بيا
-اذا انت
ما عندك شي شكو ما تفتح
-لان
مراسل وحاجي
-هاااا
وبوجهي تحجيها
-عجل
احجيها وراج ؟
-افتح
لشوف
-ما افتح
-لا
تخبلني ليش تراسل
-عندي
غايه
- وهي ؟
- بعدين
اكلج
-لا شو
تفتحلي
-كتلج
اتركي تره تعبان
-اي لا لا
تعبان .. تعبان من النسوان حظرتك .. افتح يلا
-اشو و
الله ما افتح ودشوف شلون تتامرين عليه ..
-ضربت
الموبايل ع التخت وحجيت :- اساسا ما يلفي الزبايل غير حاوية الزبايل
واندرت
بساع كضبني وجر اذني :- منو حاوية الزباله ؟
-ما قصدي
عليك والله
..
..دفعني
للكاع بساع وصاح :- حيوااااانه دشوف مره ثانيه تنطقين لو تتجاوزين الا السانج اكصو
حقيرااااااا
من انطيج
عين تتحيونين بس شوفي شلون البسج وارجعج ادميه
-اندار
مني مشى اني حطيت وجهي بالمخده وكمت ابجي من كل گلبي .. هف الباب وراه وطلع ..
لليل
واني ابجي .. ما اعرف اضبط تصرفاتي كلما اجي اريد تحل موضوع اجفص بيه وتتخربط
السالفه اكثر من اول ..
ما
اريدها تتقربلو ولا بقصدي اتامر عليه بس من حركة گلبي ما اعرف شتصرف .. واضل اجفص
بلا عقل واضيع حقي كلو بساعة العصبيه ..
ل١٠ ونص
بليل كمت للحمام اسبح .. سمعت باب الشقه انفتح .. نهيت وبدلت .. طلعت كالب وجهو ما
يتحاجى ..
طلعت
نشفت شعري و مشطت هو ولا اجعلو طلعت ثاولها .. تمشيت الو صوتي مخنوك من البجي :-
صراع
-ماكو رد
-ما قصدي
اتجاوز عليك والله
-بس
تجاوزتي
-بجيت من
حرگة گلبي اغار من تحجي وياها اموووت . وانت تضحك وياها
-من عقلج
تالي عمري ادور بنات الفيس انه كتلج مبقيها لجل غايه
-شنو هي
الغايه
-شاك بيها
تعرفج
-تعرفني ؟
-اي فرت
راسي .. تسال عنج هواي . تحب مرتك . هسه انت يم مرتك .. لو اني بمكان مرتك هيج
اسويلك و ولو اني بمكانها هيج اعوضك ..
كل شوي
اكلها انتي منو .. تكولي شفتك بصوره بس انه متاكد هي تعرفج ..
واليعجبني
تعرف شنو ناقصني بيج ..
-مسحت
دموعي وتخصرت يعني شنو تقصد .. شناقصك مني
-تعرف
انتي بارده .. وما تادين حقوقي الا على وكت مزاجج وتعرف انتي تتجاوزين .. وتعرف
انتي تكرهين اهلي وكلشي تعرف عنج وجاي اسايرها لحتى اعرفهة منو هي وشنو هي وشنو
غايتها واحاول اوصللها حتى ابعدها عنج
-شنو يعني
هي كلتلك اني اعرفها
-لا ما
كالت .. بس لو عندي رجال مثلك .. الا اصيرلو عروس كل ليله وما اكعدو الا على ورده
...لو عندي عصبي مثلك اسكت وامتص عصبيتك واني اموت على الرجال العصبي .. واكره
المره التتجاوز على الرجال لو تنكر افضالو بوكت عصبيتو ..
كل هذا
وانه مسايرها تكلي اموت ع الرجال اليحب اهلو و يرعاهم احسو نشمي والمره التكره تهل
رجلها هاي قندره ما تسوى والمفروض الرجال ما يخليها ابيتو لان حتى بزريتو راح
تعلمهم ع الحقاره ..
- خاف
اسمهان ؟
-يا
اسمهان ؟ اوو لا ابد مو هي .. شعرفها باللي بيني وبيج
-اخلاص ؟
-ولا
اخلاص لا
... شال راسو
اسرارنا حاجيتها لاحد
-لا
-فكري عدل
صديقه منا منا
- بقيت
صافنه بوجهو
-بالله
جيبي موبايلج
..
-شتسوي بي
.. الموبايل يمو سحبو واني ما بي رمز بس يمرر اصبعو ..
-جريتو
خفت لا يحيى مراسل الا يعدمني
-شبيج
خفتي ؟
-بس اشوف
-جيبي اني
اشوف
-بس لحظه
...سحلو منو
. وكف كلبي .. رحت يمو ادحك بس كون يحيى ممراسل
فتح
الماسنجر .. مجموعة بنات .. كام يكلب بيهن .. هم زين يحيى ماكو
-شنو ذني
-مو اني
ادمن بكروب مال نسوان
-وشتسوين
ادمن بي .. انه ما محذرج من هلسوالف
-قابل
شسويت بس بنات والله ماكو ولد
-فتح
محادثه للادمن ويانه هي اللي صعدتني .. بقى يراجع حجينا .. وموسع عيونو .. عفيه
عفيه .. بعد ما مخليه كصره ..
حاجيتلها
على حياتنا كلها
-صديقتي
هاي
-اشك هاي
المراسلتني
-لا هي
متزوجه
-وزعلانه
من رجلها مو ؟
-تكاونت
هي ورجلها وشكتلي بس مو هي هاي صديقتي
-لج انه
بامي ما اثق وانتي تثقين بحيا الله وحده من الفيس ..
بقى يدقق
بالحجي مالتنه وينافخ لان حاجيتلها علينه .. اخر شي شاف كلمه الها .
صاح :-
هي اكص ايديا الاثنين لا ما طلعت هي .. دخل لحسابها .. بحث بي طلع حساب زوجها ..
راسلو ..
ما رد .. اندارلي و انفتح رزايل شلون تحجين اسرارنا لوحده ع الفيس وشنو تسولفين
وهاي خصوصيتنا وانتي موبايل ما ينحط بيدج ليمت تبقين جاهله وبلتيني بلوه ..
رد
الرجال عليه .. سلم و بعد السلام .. كالو انه عندي سالفه وياك .. بقى يحجي ويماطل
اخر شي كالو عندي سالفه وياك تخص عرض بس اريد عنوان .. ذاك جر وعر لحد ما اتفق
وياه يلتقون بكركوك ..
اخذ
المحادثه .. وبعثها للبنيه اللي على اساس اسمها ورد التوليب كاللها دحكي هذا مرتو
كح.... وباجر رايحلو لكركوك افضحها .. دحكت الصور بساع اتصلت عليه .
ع السريع
بقت تتوسل بي وداخله بعرضك والله غلطه واسترني الله يستر على عرضك .. و ادزلو
بصمات صوتيه تتوسل وتبجي وهو ما رد ..
اني
صافنه .. من صدك هي ؟؟؟ شكد جنت احجيلها على صراع كدامها ما خطر على بالي تعشك
رجلي عود جنت اشكيلها ..
اخر شي
رد عليها وكاللها شرط تهدمين هلكروب هذا الحاويتو كلو .. شلة هلنساوين هاي لو
دحكتها لا الدنيا اكلبها فوك راسج ..
كالتلو
تامر .. بدقيقه طلعتني من الادمنيه وفلشت الكروب كلو .. وبقت تتوسل بيه .. وهو
كعد.ينصح بيها خافي ربج وانتي متزوجه وعندج جهال من وحده تشكيلج بدال ما تنتشليها
تروحين تحركيها يم رجلها وتغيري عليها وانطه محاظره الها .. كمل منها واندارلي ..
غبيه طايحة حظ .. ولج لو انه ملطلط وعقلي مثل عقول الخفيفه وتجي وحده تكلي هيج
اسويلك وهيج اعوضك ما جان غيرتني عليك واكول جيبي متروس وما ناقصني شي واتوسل
بوحده مثلج
..
تروحين
تشكيني للغريب .. انه شكم مره كايلج اسرارج ويا روحج ما تطلع .. انتي شوكت اتوبين
.. شلون وياج .. موبايل بعد ماكو ..
تخبلت
شنو ماكو موبايل شيريد يسوي خل يسوي مو يخلي الحساب عندو ويراسل يحيى ويشوفو يمه
يذبحني ..
-ماشي بعد
ما اعيدها بس انطيني الموبايل
-تحلمين
-شنو
تحلمين صراع موبايلي
-ماكو
وحظري روحج باجر نرجع ..
بقيت
الليل كلو اتوسل ينطيني الموبايل ما قبل .. ما نمت الليل من التفكير .. انوب خلالو
رمز من عندو .. اريد افتح جهازي عجزت ..
... رجعنا
للعراق .. ما بوجهي فرحه التفكير اكل گلبي على ساعه يراسل يحيى ويشوفو .. وهو حس
اني خايفه من شي وكل شويه يسالني من شنو خايفه شتردين من الموبايل
واردو :-
لا بس اتونس عليه اضوج بلياه ومتابعه مسلسل اريد اكملو
-نرجع
للبيت واخذي اللابتوب وتابعي ومن اجي حطي موبايلي ع التفزيون وتابعي بنظارات 3D بعد ...
-ديلا هذا
شلون يقنع .. زين بس اعطل حسابي
-ليش شبي
هو وتعطلي اكو شي
-ماكو شي
بس اذا ما استخدمو شعندي مبقيتو ..
رجعت حتى
ما جبت هديه لاحد نسيت .. وهم ضاجو ونبتني الحجيه جايبه كلشي لروحج جان ذكرتينا
وياج يولي
-كلت من
اريد ارجع اروح للسوك واشتريلكم بس صراع استعجل وما قبل الا نرجع ..
.. ما قنعو
ضاجو شلون كلشي مشتريه لنفسي .. بس حلا انطيتها من مكياجي شويه وكم حاجه ..
بس اني
بقى كل فكري بالموبايل ما ارتحت .. بس احوس وهو كام يشك بالزايد وكثرة اسالتو ..
هو عندو
تفكير يهود .. ما تحزر تفكيرو . انطاني الموبايل عبالي خلص سامحني ..
بس جان
تفكيرو غير شكل..... يتبع
☆☆☆☆☆☆
تعليقات
إرسال تعليق
اهلاً وسهلاً بقرائنا الكرام نتشرف بكم في مدونتا ارجو الاشتراك في مدونتنا ليصلكم كل ماهو جديد تحياتي لكم