المراهقة والأربعيني الحلقة (74)

المراهقة والأربعيني

الجزء الثاني

الحلقة  (74)

-صراع

متمدد ع التخت وعيونو بالموبايل : - همممم

-حباب

-شتريدين ؟

-موبايلي حباب حباب والله بعد ما اراسل بنات والله

دحك بطرف عينو اخذ نفس و تنهد :- ماشي اخذي

وسعت عيوني فرح :- صدددددك .. حظنتو .. حبيبيييييي

.. طرت لكنتور اخذت الموبايل ..

-بس لو غلطتي مره لخ تحلمين بي افتهمتي ؟

-ماشي .. اخذتو .. فتحت . انطيت صامت و شغلت واي فاي .. كنك .. ع السريع اجه لايك من يحيى ..

كتبتلو لا تبعث الجهاز عند صراع .. وحذفت المحادثه .. هفففف ارتاح گلبي ..

- ليون الاحد ابلش دوام رتبيلي الملابس العسكريه

-من جد ح اداوم ؟

-اي عجل شلون ابقى اكابلج

-صراع ما عونت تركت الجيش وترجع

-ول يابه انه رجال عسكري من يوم يومي وما ارتاح الا بالعسكريه .. هلشغل بزنس بس انه العسكريه ما اكدر اتركها هناك اشوف روحي

صفنت بي شسوي اكوم اطلعلك الملابس العسكريه.. كمت للخانه .. طلعت ملابسو مصفطات بجيس نايلون ..

ارتب بيهن بالتعلاكات .. وخطرت ابالي اسألو :- صراع سؤال

-كولي

-اذا يحيى تاب ورجع شيصير

عقد حاجبو :- شنو يعني تاب

-يعني اذا ترك داعش وراد يشوفني

-يشوفج !!! على اي اساس .. بعد ما باعج ؟

اتمناها من الله اگضبو لا اعلكو فلقه واعذبو واخذ منو حك كل قطرة دم وكعت من عابد

-بس اخوك هو اللي عال ومنو كال يحيى اللي قتلو

-هو هو .. وبعدين شنو انتي جاي ادافعيلو

-لا بس دا استغربك انت دم حرب ما اخذتو وبعدو براسك ثار عابد

- قيس مات واهلو شالو من المنطقه كبل لا تتحرر الأنبار .. بعد اخذ ثاري منين اذا مات .. بس عابد بعدو العار اللي قتلو عايش .. عليش اعديها الو ؟

-بس عابد هو اللي تجرئ

-قفلي هلموضوع شجابو براسج

-هيج حبيت اسأل

-ماكو شي اسمو يحيى هلكلب انسي

... درت وجهي منو واني افكر بالموضوع .. شسوي ما عيتقبلو ولو حقو اني نفسي ما اعرف اشلون عتقبل يحيى بعد كل اللي سواه بيا ..

.... لثاني يوم كعد صراع ما الو خلك .. مصاحبتو كحه قويه .. من يكح تحس طالعه من نص صدرو يرج الدنيا بكحتو ..

-صحه صحه يمعود شصاير ليش هيج

-ذبحتني متت .. گلت الجو صفى شويه و دنت نفسي واكلت موطه .. لو ابتليت

-اسويلك حليب حار

-كومي سوي وحطي عليها عود دارسين بلكت تفك متت ..

رحت سويتلو حليب وجبتو الو .. راسو مصدع وتعبان .. اخذو مني

-ليليان كليلهم صوت ما اريد فوك .. كلكم نزلو جوا .. وقللو الحجي دايخ حيل

-ماشي .. نزلت بلغتهم

الحجيه :- يا عمت عيني يا يمه مريض

-كحه قويه حجيه ما كلش مريض

-ولج فوريلو بيبون انه كلما اروح لبيت هيام يمهم قطعه بيها زرع اكطع منها ورق طبيعي واجففو نحتاجو بالعلاج طبيعي وما يضر كومي بنتي فوريلو ..

-سويتلو حليب هسه خل يكعد ويشوف ..

بقيت جوا ما صعدت ترتكتو يرتاح .. ٣ ساعات ونزل

-هاا شلون صرت

-يولو حتى بلاعيمي طبكت .. متت

الحجيه :- ولج انتي ليش ما تغليلو بيبون هسه نص ساعه ويصحى

-افولك بيبون ؟

-ما رد بقى يفرك بوجهو

.. اخذت بيبون مجفف من عمتي وغليتو الو وخليتو بكلاص ووديتو .. تركو شويه يدفئ وشربو شربه وحده فد مره .. وتركو واخذ سويجو وطلع ..

.. لهناك و رد .. نحن كاعدين بالهول .. فات يتلوى شمر السويج ع الطلبه بقوه و ذب نفسو ع القنفه حيل ..

كلنا انتبهنالو ..

-راح اموت بطني احسها تتكطع من الالم .

اندارتلي الحجيه :- يولي حرامات انتي تنحسبين مرا بين النسوان

فتحت عيوني :- واني شكو ؟

- رجلج طالع ادري ما تلبسي بلوز جوات قميصو فد شي داخلي مخليتو بطرك القميص افركيلو صدرو هلك المكرود ليش ما ادارينو

-اي مو هو جاهل والبسو من يطلع ابنج ما ماخذ برد هذا كلو من وراج ومن وره البيبون مالج مدري منين جايبتو يمكن مبول عليه الچلب وركضتي انطيتي الو ..

اني حجيتها وصراع طفر للحمام .. وبس صوتو وهو يتقيئ .. ركضت وراه للحمام اخذتلو الخاولي

-طاح حظج يمكصوفة الرگبه انه البيبون مالي مبول عليه الچلب ريت الچلب عظ السانج و هلصنا منو

.. صراع غسل واخذ الخاولي طالعه روحو :- ليش هيج يمه وانه اكول شجالها بطني تتكطع لامه بيبون من الشارع تفوريلي

-يول مو صوجك تصدك بهاي ام طول شبر الجذابه انه غاسلتو ومتشاهده عليه

..هز راسو وطلع فوك .. طلعت وراه .. جر المخده وتمدد صفح وخلى ايدو فوك راسو .. نمت يمو وبقيت حاظنتو وهو يتوجع .. زاد وكضبتو انفلاونزه . كسرت جسمو كام يصيح اعضامي ذبحتني ..

واسمي افرك بظهرو واديه واقدامو .. و هو نايم على بطنو وحاظن المخده ويون .. لحد ما حسيتو غفى غطيتو على كيف طفيت الغرفه وطلعت بلا صوت ..

نزلت .. الجو غيم كلش صارت سودا .. و الجو ملعب تلبس صيفي تبرد تلبس شتوي تحتر .. ساعه بارده وساعه حاره .. وغيمت والجو ما كلش بارد ..

نحن واكفين بالمطبخ نحظر عشا .. رعدت رعد هز البيت .. وزخت مطر قوي حيل .. فتحت الشباك واني اثرم .. احب ريحة المطر خاصه من يوكع ع الحديقه وتطلع ريحة الاشجار والتراب .. انتعاش ..

شويه وانكطعت الكهرباء .. طلعت الموبايل ضويت باللايت .. ننتظر يحول السحب .. بس ما حول ..

..صراع مخلي بنهاية البيت بالحديقه مولده كهربائيه مال بيت احتياط ومفولها بانزين تشتغل ع السويج ..

شلت صينيه و طلعت للحديقه افتح المولده لان اريد نكمل عشا و السحب تاخر .. رحت للمولد .. والدنيا دمطر دخلت جوا المسكف مالتها وادحك باللايت .. السويج ماكو ..

دورت ردت .. سويج المولد ماكو ..رجعت للبيت اسأل كلها تصيح والله ما شايفو .. شيخلصنه من صراع دوم ينبه لحد يوصل يم المولده

بقينا على لايتات موبايلاتنا ندور وماكو .. طلعت حلا من غرفتها تسال ليش ماكو كهرباء ..

نائل:- لو ما الراوتر طفى فلا اطلعين ولا تدرين الدنيا شبيها

-عمو متكلي شعندي نازله .. ليليان ليش ما تشغلون مولد

-السويج ماكو

-شفتو البارحه بأيد حماده يلعب يم المولده من طلعت للحديقه اهذتو منو بس يمكن رجع اخذو

نور:- لا عيني جهالي ما يوصلون للمولده اني مراقبتهم

-اني شفتو والله ..

-لا شوفي من ماخذو لا تذبيها براس الجهال

... طلع صراع من الغرفه :- ليش ماكو كهرباااااء

الحجي:- يابه انكطعت من المطر والسحب ما جاي ينطيها و المولد سويجها ماكو

... هو سمع السويج ماكو ومريض ويريدلو حجه يصيح .. بذيج الليل سبانا سبايه كوم البيت ما كعدو كلها طشت ادور صغير وجبير حتى الحجيه ..

اجت الكهرباء وانكطع المطر وصروع بعدو يمطر فوك روسنا .. واحدنا كام يطخ باللاخ انصرعنا منعرف وين نلكاه .. وهو يتحجج وضايج ..

.. وما لكيناه وماكو .. بقى منزعج .. وردت الكهرباء طفت .. يسالفه الما تخلص بهل ليله ..

خفت اني ما اصير كدامو وكت اعصابو .. احسو اعصار اشرد منو .. رحت للغرفه لفيت راسي وختلت جوا البطانيه تغطيت

وما افتكيت رد اجا وراي فتح الباب وكام يزكح :- ناااااايمه بيتج ما تدرين عنو لو يحترك ما اديرين بال انتي مهتمه بي انتي انطيج موبايل وكروباااات وصخام راااس ..

ما بيج حظ بس المصايب تجيني منج ... ملتهيه بالمسلسلات بالكروبات بالكروباااات تصير ادمن .. ما تنامين اليوم تكعدين بالمطر لا ما لكيتي السويج

... كلمه ما نطقت .. طلعت برا .. حايره وين ادورو .. كعدت بالحمام لحد ما حسيتو خف صياحو يلا طلعت .. لكيتها كلها طاشه لغرفها ..

رحت للغرفه .. دخلت .. كاعد متمدد وايدو فوك كصتو هادئ بس اللايت مشتغل . تقربت ع التخت ونمت بلا صوت .. ما حجه

غفيت .. شويه وسمعتو يصيح :- اااااخ يا يابه ..

شلت راسي مديت ايدي على خدو حار مصخن .. جسمو صاير نار والكهرباء لسه ماكو ..

اخذت اللايت وطلعت جبتلو ماي وخاوليات صغار .. كعدتو يشرب علاج .. كال شربت .. بقيت الليل كلو كمادات .. اخر شي كال :- غطيني عظامي كامت ترجف ..

غطيتو وحظنتو وردت انام حجه :- ابعدي مني منشول لا اعديج افلاونزه

-ميهم

-اندار وانطاني ظهرو بقيت حاظنتو وما نايمه لان متعلعل .. ما ادري شوكت نمت .. كعدت ما لكيتو ..

نزلت الولد ما موجودين وام سعد رايحه لسعد .. ونور لبيت اهلها .. بس اني و الحجيه و حلا ..

اندكت الباب خطيب حلا جا .. وصراع ما موجود .. الحجيه كعدت يمهم وبعدين اجت للمطبخ ...

اني راسي مسطور من الليل ما نايمتو وصراخ صراع .. و الحجيه تحجي براسي ع الدولمه وتكلي جهزي وحيبي وودي واني تك عين ..

فات صراع .. الحواجب معقوده واني واكفه ع الجاي اريد اشرب لان راسي ذبحني ..

:- مو احاجيييج

-شتريد

-منو بالاستقبال

-خطيب حلا

-اني كلتها هيج وهو مشى بهمه .. اندرت الحجيه غمتني وغلطت عليه :- شكد.حقيره يولي مو ردت اكلو بنات خالاتها واخلي يصعد

-واني شعرفني

مشينا ورا .. طلعت حلا تبجي .. وهويصيح على خطيب :- دحك لك سالفتك ويا بنتي طولت خبر ابوك هذا الاسبوع لو العرس ما تم وتراب ابني حرب هلزواجه اخربها ..

ما افاتحلي مكو... هينا وتفوت تحظن ابنتي ابيتي حيوووان ..

الولد يتعذر وفشلان منو .. وطلع وكالو تامر عمي ..

وصراع طلع للهول خابر ابو وسام :- اسمع سلام خطوبه ؤراح يصيرلها سنتين وانه ساكت احترام لموت ابنك .. دحج بالقران هلاسبوع هذا لو تم العرس .. مرا ما الكم عندي .. وقفلو ..

و اندار ع الحجيه شلون تاركتهم وحدهم .. جا كعدي يمهم مخليتو يتحاظن ابيتي شنو مكرن انه ..

بس الصوج ابنتي اللي تجيب الطلي مالها النص بيت ابوها .. لج بس اكضبج اليوم محد يخلصج مني حيواااااانه

عافنا وطلع .. و الحجيه نزلت عليه رزايل شلون كلتلو خطيب حلا

-شمدريني ترا مخ ما بقى براسي الليل كلو يصيح ويون ومصخن وما نايمه شذنبي اني تشمريها براسي تعرفي ما يقبل بلا ما تشردين الولد جان بقيتي كاعده يمهم ما جان حجه مو تذبيها براسي واطلع اني الافتن ..

.. تخبلت الحجيه شلون رديتها كامت تعد وتصف .. ردت نزلت حلا ووملازم من شعري وتصرخ عليه .. واني ابعد منها اريدها تترك راسي ماكو ..وتغلط وتسب بيه وباهلي

فات صراع وصرخ بيها .. بساع عافتني وصعدت الدرج وتتحسب عليه وتبجي واني كعدت ابجي .. وصراع كضب المحجل .. شردت لغرفتها سكتت ..

-والله ما قصدي افتن راسي صاير طبل من البارحه بس كتلك خطيب حلا شنو كفرت .. تسب بيا وباهلي شنو ابويه تاج راسها ويشرفها ويشرف الاكبر منها

اندار زكح بيا :- لا تضلين تلعوصييين صميييي حلكج

رد فتح الباب ع الحجيه :- جبيرتهم انتي ما عرفتي تفازعين بينهن تاركه مصايحهن بنص البيت

الحجيه:- مرتك صايره وكحه وتستاهل يطبها مرض بعد يا ليليان فلا ادخل بيها ولا يجي الساني ويا السانها ما دام تصيح عليه

كمت من مكاني :- اني صيحت عليج لو رزلتني وكتلج شعليه جان كعدتي يمهم ليش تخليها براسي

-مرت ابن صايره وما تنكدرين من شيلج بيت ولليوم ما تنكدرين .. كبر راسج

صراع يصيح يردنا نسكت هي حجت هيج وهو تخبل .. كام يصيح ويكسر وهيج منكم لا من اهلكم وانه الله بلاني بيكم وين اهج منكم .

الحجيه سكتت بالغرفه .. واني شردت فوك .. هو مدري شيكسر جوا وطلع وهو يصيح ..

كعدت بالغرفه ابجي .. ساعه ورديت نزلت ..

نائل :- شصاير ليش هيج البيت

-اجه خطيب حلا وصراع گلب البيت علينه ...

بقى يسال وسولفتلو القصه .. رفع الموبايل و خابر صراع .

اندك الباب اجه ابو وسام وامو .. استقبلهم نائل و الحجيه .. واجا الحجي ورد اجه صراع ..

ومصر هذا الاسبوع لو ما ياخذوها يخرب الخطبه وكلمن يروح بدربو

.... كالوله هذا هو الجمعه الجايه الخطبه ولا يهمك ..

سوينا الهم عشا وكعدو يسولفون ويتفقون    وفاتت خالة حلا الجبيره ام وسام للمطبخ

-اريد احجي وياج يصير

-كولي خاله

-ليش تحقرين ويا حلا شسوتلج يعني هسه حشدتي بابوها عليه والعرس يصير بساع بساع مو حرمات ابني واريد افرح بيه

-اكفي اكفي .. شنو حقرت .. اني شعليه

-مو انتي الفتنتي عليها

- على شنو افتن سأل منو بالاستقبال جاوبتو .. جذبت واكتشف الجذبه ما تكع براسي ؟ وبعدين ليش تذبون الصوج بيا .. ليش ما تلومين ابنج هو يعرف صراع ما يقبل جان المفروض يحترم بيتو

.. مشت مني وتهز بيدها وتكول :- صوج اليجيب بنات عايقات و يكبر روسهن على اهلو وناسو ..

.. عفتها وبقيت اشتغل انوب اجو بيت صالح مرتو واخلاص بس كملت خاف ناقصنا..

صبينا العشا الهم بالهول اني ما اشتهيت من السم السمموني بي .. حطيت اخر كاسة وردت انسحب ..

شال راسو صراع دحك .. شافني مشيت صاح وراي .. درتلو .. اشرلي براسو بمعنى تعالي .. مشيت يمو وكمبصت

-شو كعدي

-ما اشتهي

-دا اكولج اكعدي

-كعدت .. ادحك بوجوهم اخلاص واختهم يطمشون علينا .. ندسني :- اكلي

جريت خبز .. وهمستلو واني مدنگه :- طكت روحي وما عاد اتحمل راح انفجر

همس:- فد شويه نصعد للغرفه ونحجي .. اصبري

.. خلصت الأكل كوا .. رحت للمطبخ هم خلصو العشا وراحو بس اخلاص بقت .. كملت البيت وصعدت .

لكيتو كاعد بالغرفه :- دحك بليل انت تصرخ وتصيح و ترجع امك ترزل وتنزل بنتك تضرب وتسب وترجع خالتها تغلط عليه وعايقه ولفاها وكبرها بروسنا

انطيني منو بيكم اتحملو اني ؟ يا اخي بشر بشر اني مثلكم اني من دم ولحم احس واتضايق واتاثر .  لو كلمه غثتكم مني محد يتحملني وانتو تغثون واتسبون وتضربون ولازم ما اتجاوز .

احجي و دموعي تجري .. وهو يكولي بس حدري يولي تعاي بس تعاي .. جر ايدي .. واني ابجي واحجي

لفني بحظنو وباس راسي :- كافي اهدي

- على اي اساس .. بس لان نطقت بكلمه كلها تصيحلي مرت اب وحقيره .. مثل القندره كاعده ابيتي وتغلط عليه وتكول ملفيها ومكبرها براسنا

-دحكي اسبوع واتفض تحمليهن وياي وبعدين اذا بيتج شلون يكعدون على سفرتج وانتي ما تكابليهم .. افهمي هذا بييييتج مو بيت عيالج خليها ابالج واحفظيها

خطارج شما كان حقير تجرعي واحملي ابيتج ما يصير تتجاوزين عليه عيب ..

-واخلاص شعدها بقت اذا بيتي اني اخلاص ما اريدها

-وانتي شلج علاقه بقنادر تركيها هو اسبوع تروح حلا بعد ما تلفينا .. اهدي وكعدي ضايجه لبسي خل نفر شويه ونرجع

.. كمت طلعت الجبه لان من صدك طالعه روحي .. نزلنا اني وياه وطلعنا .. فرينا شويه ونزلنا اكلنا حلا .. ورجعنا وجايبين للحجي و الحجي ويانا .

ردت اصعد هو فات للحجيه سمعتها ما استقبلت منو شي وتكلو :- كتلك تصيح عليه بالجذب ما ادبتها بقيت تصيح وتكسر بالهول .. وفوكاها تراضي حتى ترضى محد كبر راسها غيرك ..

صراع:- ائدبها شسويلها يمه اضربها .. انتي مرزلتها وحلا نازله ضاربتها وتريدين ايد فوكاكم .  اكسر راسها لو رفعت صوتها وياج بس يمه رحموها بس لان كالتلي كلمة حق توليتوها شنو تردوني نايم على كفاي .

لو غلطانه انه وياج بس ليليان ما غلطت عين العقل سوتو من خبرتني الا لو تبقى عليج فالتو

:- انه فالتو خلف الله عليك يبن بطني روح يمه روح

-اي فالتو عجل اتركيهم وحدهم واطلعين ؟ و فوكاها مستسهله الامر الله يعلم شكد جاي وانه ما موجود وانتي تسترين

... بقى يحجي وعفتهم .. من شفتو يدافعلي شويه ارتحت .. بعد ما حسيت محد يفازعلي ..

صعدت بدلت ونمت .. واني افكر بكلمتها (محد كبر راسها غيرك ) مستكثرين عليه حبو الي .. من يصيح ويتعصب ويحير شيحجي واتحمل شو ما حجو هيج ؟

من يتمرض واداري محد كال دارتو .. من احترمو محد يكول تحترمو .. بس من اغلط تروح كل زيناتي وتنسي و لازم انضرب واذا ما انضرب يطلع هو مكبر راسي

اذا ضربني وذلني واذاني هو رجال بنظرهم واذا حبني و احترمني يطلع هو خيخه ومو خوش رجال ما مادب مرتو ..

من جان مستحقر مرتو ويعنفها كلها تصيح عليه زلمه حوك ومن اجيت وحبني و يراضيني من ازعل يكولون عليه  خايطه بشواربو وامشيتو بشورها ..

.. شويه وصعد هو .. مدري شمسمعتو وهيج ضايج .. ما حجه .. دار وجهو ونام .. اني هم تركتو وردت اغفى اندار شال راسي ومد ايدو وتحاظنه ونمنا ..

.... بقت اخلاص عدنا تحش بعمتي عليه وعمتي ما تحجي وياي بس وكت السخره .. تسخرني بس تحجي من وره خشمها

اخلاص اتكفلت حلا من الالف الى الياء يوميه يطلعن من الصبح ما يرجعن الا العصر محملات غراض وما يفتحن ويشوفن الا بغرفة ام سعد يعرفن اني ما افوت بيها ابد ...

نور مموجوده و البيت كلو ما يحجي وياي بس الحجي ونائل .. يهجبني اطمش على غراض العرس وعروسه وميقبلن يفتحن شي كبالي ...

صراع رجع لدوامو .. من يرجع واكلو ما يسمع مني يكولي :- يولي انتي والله بطرانه

-ليش اني هم اريد اطمش وياهم شمسويتلهم

-وانه شسويلهم انزل اتشاعف وياهن ليش ما تخلن ليليان ادحك وياجن .. عوفين يولن و فكيني رحمه لاهلج

..صراحه تحز بنفسي وانقهر اطبخ وانظف ومن اكعد وياهم يضوجون ويكومون .. اجرو غراض وفسان وكلشي ما يشوفني ...

خابرت هيام كلتلها ونفس حجي صراع تكولي :- والله بطرانه انتي ..

قبل الحنه بيوم جانت حلا واخلاص وام وسام بالسوك اجو قبل المغرب ضمن الغراض بغرفة ام سعد وتمددن من التعب بغرفة الحجيه .. وام وسام راحت ما بقت

صاحت عليه الحجيه :- ليليان صبيلهن اكل خل ياكلن

.. كمت بلا اهتمام صبيتلهم صينية تمن ومرك وخليتو كبالهم .. كعدت اخلاص اكلت جان تكول :- والله عمه الاكل بارد ما ينوكل

-ليليااان عجل ما حميتي الاكل

-لا حجيه  دافي

- جان من الاول وكولي ما عاجلني اكوم انه اكوم اصبلهن اذا تتعاجزين

-وهن شبيهن ما يكومن يصبن لنفسهن لو بس للفراره بيهن حيل وكت الخدمه تعالي ليليان خدمي شنو اشتغل عدهن

بقت الحجيه تصيح واخلاص تكولها :- عوفيها عمه طلعت دودتها لان ما لبست فستان عرس ومحد جهزها تغار خطيه

- انتي بالذات متحجين تحترمين نفسج وتنلصمين وانتي دايسه بساطي

الحجيه:- ابساط منو يولي وانه موجوده شو انتي ما تستحين

-خليت المستحى الهن اني ما استحي ولا اريد استحي

ام سعد :- حجيه كوى راسها منو يكدر يكضبها وابنج يصيح البيت بيتها

اخلاص:- يمعودين لا تكبروها حتى ما تسوى ندوخ راسنه بيها نل السالفه ضايجه لان نا جت لهين بعرس جت بصخام وجه والعين مكسوره ..

-اني اشرف منج يلعانس شلت ماعون المركه الكبالها وذبيتو فوكاها سبحتها لالمرك و الباميه مطشره عليها

.. وجيتت عليه حلا تتصايح وتغلط وتريد تضرب وتلازمت وياها .. اخر شي دفعتها وصعدت للغرفه ابجي .

خابرت على صراع اول ما كال الو انهديت بي :- هسه تجي لببيت الا والله ما ابقى لحظه تعااال تعال شوف شسوو بيا يغلطو ويتجاوزززون ما ابقى اليوم

اسمعو يستغفر ويتنافخ ويكولي : كلشي ما افتهمت اخلص شغلي واجيج

... بقيت افور بالغرفه .. اروح وارجع ما اتحملت اخذت الموبايل و خابرت هيام حجيتلها كلشي وبقت تنصح بيه واهدي واسبوع ويرحن ولا اطلعين بالوجه الاسود

سديتو منها واني انتظر شوكت يجي صراع.. شويه و سمعتهن تلكنو و يشرحن ويشكلو مني ..  شويه وصعد الحواجب معقوده والغضب فاير بجسمو ..

:- حدري اهين دشوف شصاير احجيلي

-حجيتلو كل السالفه بالحرف الواحد

- والج عين تشكين هم ولج وتالي ابخت الله ابخت محمد ولج انتي جحشة لو بلادماغ .. وكاعدة تحجي وتعترف شو حجولي وماصدكت يافاينة الحظ

-عجل تريدهم يغلطون عليه واسكت ؟

-ول انه كم مره كايلج قنادر لا تجين يمها قنادر لا تحجين وياها ؟؟؟؟؟ حاجيييي لو لا تصيخيلها العانس بنص بيتنا وتريديلج حق ؟

-والله شسوي احجي وياك اني تعبان انتي بطرانه شترديت اتشاعف ويااهن مو هذا كلامك الو اني متوهمه ؟؟

كام وكفخني على دماغي :- بس ارد افتهم هينا عقل لو قوندرا ؟ من جيتي تتشكين منهم جانو متعدين عليج واخذلج حق ؟؟؟؟

مو انتي تتحسسين وما يشوفني وما يكعدني .. يابه شفتيهم يتناحسون ويضربهم وجع ادير صماخي واصعد مكابتلهن وكاعده  انتي عاجبتج المهانه ؟

محسستهن جايبات فد شي وانتي تتحرمصين عليهن تذلين نفسج وتحسسيهن انتي حاقده لييش يسون قندره وتهتمين والله ما شوفني غراااض

تعبت منج ومن مشاكلج كااافي .. اعقلي عاد عذبتيني

-هاي فوكاها فوك ما يكولون اجيت بمكسوره عيج تحجي وياي .. خلف الله عليك

.. اندار لبس دشداشه وطلع وقبل ليسد الباب حجه :- ثواني وتنزلين وراي و اللي اكولج عليه يتنفذ .. وهف الباب ونزل

اخذت الموبايل خابرت هيام وحجيتلها شكال

هيام :- ديري بالج تتعصبين وتفلتين كلمه غلط كبالو ويرزلجن كبالهن شيكولج كوليلو تم وامرك وموتيهن ..

- بس اني مظلومه وهم حشو براسو عليه وخلو يعصب

-وانتي اثبتيلو العكس و لا تنطيهن مجال .. يتمنن تغلطين كبالو .. تهينين نفسج وتهيني .. ذبحيهن شو هن يومين وموليلت كسبي زلمتج واكسبي بيتج

حتى بوسي راسو كبالهن وخليهن يموتن وكوليلو اذا اني غلطت حقك وحقهم على راسي واني اعتذر وان جان الحق الي الله يسامحهم

-من كل عقلج اني اسوي هيج ؟

-اي يخايبه امداج ولج هن يردن خراب بيتج انتي تنطيهن فرصه ليش .. بوسي كدامهن وكليهن يطكن حتى بعدها يحجي عنج بحيل صدر وما تفشلي ويكوم يصدكج على العمياني

.. سديتو منها .. اخذت نفس .. اني اعتذر ؟ .. بس اذا كالي على كلمه وعصيتو راح يعصب اكثر .. اسوي مثل ما كالت واشوف ..

طلعت وهو يتصايح وياهم و يكلولا تصيح بيتي وبيتي وتطرد بكيفها وكلو من وراك انت كبرت راسها ما محترمه وجود امك وتطرد كبالها ..

نزلت وهو فايره اعصابو و الحجي كاعد ويهدي يي اندارلي :- حدري لهين دشوف

وكفت يمو وكتلو :- امرني .. حجيتها بهدوء بس فايره من جوا

-هاي امي والكل يسمع الحس طول ما انه عايش

افوت الي يعجبني واطرد الي يعجبني مو صراع الي تمشي مرا وتتحكم بي

-حشاك حبيبي .. اخلاص نافخت ودارت وجهه

صراع: تنزلين على راس امي لشوف وتعتذرين

-تأمر

.. رحت بست راسها وهو الشرارة دتطلع من عينو

اشرلي على اخلاص

- والله كلامها ما بلعتو اذتني وهاي الحجيه تشهد

- اعتذري منها

اندرتلها :- اسفة خاله خليني بحسبة بنتج لاتزعلين

.. كلبت خلقتها بالزايد

مشيت يمو وبست راسو :- بس لا تزعل حبيبي ابو حرب ما عالقصد والله اذا اني غلطانه حقهم فوك راسي واذا هم غلطانين ربي يسامحهم اهم شي عندي رضاك حبيبي لا تضوج نفسك وانت مريض ..

.. اخذ نفس وهز راسو واشرلي اكعد يمو .. بس احسهن  على عبارتي كبالهن بودهن ياكلني ..

صراع :- انه من اخذت ليليان ما خذتها مكسوره .. خذتها وراسها مرفوع وماكو وحده بكل العشيره تجيب ذره من اخلاقها هاي بنتي ما متربايه مثل تربيتها وادبها ..

اليصل يمها ويحجي بشرفها اسحك راسو بالقوندرا والعندو غير هلحجي يكف جدامي ويحجي لا وراي ويسمعها

اخلاص :- لا ابن عمي  حشاك وهي محشومه محد جايبها بشينه .. اني من حجيت مقهوره عليها بس هي فهمتني غلط

ما دحك عليها داير وجهو اشر بيدو تسكت وكمل كلامو :- كلمة الشينه بحقها تمسني كبل لا تمسها

اذا غلطانه انه اعلمها واكسر راسها ما اسمح لاي ااحد يتعدى عليها ..وان جنتو حاسبيها يتيمه وما الها احد تكونون غلطانين .. هاي هي وانه ابوها واخوها مو بس رجلها والبي زود يجيبها بحجايه ..

ليليان :- الله يخليك خيمه فوك راسي حبيبي

ادحك بام سعد واخلاص كن انضربو بألف انعال على خلقتهن

الحجيه :- ما صار شي ساعة شيطان

صراع:- حجيه ما جان كلامج هيج كبل شويه ادبها واكسر راسها

-البنيه اعتذرت وسبحان الما يغلط

-عجل ياريت من تغلط تلمين السالفه من يمج وتحتويها لان راسي مو حمل مشاكلجن .. حجاها وكام ..

كمت وراه .. محتاج شي ؟

-لا سلامتج

.. طلع واني هم تركت وطلعت لغرفتي

شويه وسمعت هيام اجت .. كيفت نزلت اخذتني للمطبخ :- شصار يولي ان شاءالله ما جفصتي ؟

.. سولفتلها كل الصار :- عفيه عفيه تربيتي شفتي هن انغثن و هو اخذلج حقج و انتي تعدلت نفسيتج .. شفايدة التهور يولي ..

انذليتي من اعتذرتي ؟ لا . هو ذلاهن .. حلي امورج بالعقل يخايبه لا بس تهبش ومكاون ..

.. فرحت بحجيها وكتلها فوتي دا احظر تعليله جاي ونساتل وبسكت ناكل اني وياج ..

راحت هي .. شويه وفات صراع

:- ها ام الفواين ماكو فاينه جديده بعد منا منا

-حاليا لا

-ماعون مركه يولي هاي كدرتج من طاح حظج

-غير فاتك شكلها والباميا مجلبه بخشمها اللي يكول طسه مو خشم

-هز راسو وضحك وراح للاستقبال

.. دا ارتب بالبسكت واسمع الصوت على

طلعت هيام حاجيه ويا الحجيه وتكولها على شنو انتي تسخرين ليليان ليش حلا شبيها ما تكوم تصب لروحها ولخالتها لو اخلاص وكت المكاون هيم من اهل البيت ووكت الخدمه خطار ..

رادتها ام سعد :- عيب عليج واستحي كلها صحن تمن وصحن باميا همزين ماسوتلهم منسف القوزي و بنات اختي يسون راسج .. ربج يعرفج ورملج على وكت الا يارجال يحملج

هيام اتخبلت وضاله تصيح :- انتم عائلة نكس كلكم زمرة وحدة

ام سعد :- ماطول نكسين لتلفين هينا

- ماجاية على بيتج جاية على بيت اخوية وانتي اللي كاعده ابيتو افتهمتي

-خل يطلع ابوج وهو يتفاهم وياج يالسفيهه

و عمتي بالنص اتسكت منا ومنا .. طلع نائل :- هاي شكو ابخت الله هيام شبيج

-والله اسال امك جاي راكض عليه

-احترمي نفسج هيااام

-مو انت التعلمني احترم نفسي افتهمت اكبر منك غصب على راسك تحترم

طلع صراع :- يولو شصاير شبيج ام علي

- هي بس شافت صراع انفجرت تبجي وتحجي بصياح وتكلو تاليتي حتى من بيتك انطرد ..

لفها باديه بس يريد يهديها كام يبوس براسها :- والله ما عاش اليذلج لو يسمعج حجايه وانه عايش اشعل شيب اهلهم بس لا تضوجين بعد اخوج بس اهدي..

نائل ضاج طلع برا .. وهي ابتعدت تمسح بعيونها وتكلو :- الله يساعد ليليان عايشة ويا زمرة عصابة

لتلومها لو غلطت اكعد دقيقة هينا بلا ميشوفوك دتشوف العجب بس كبالك ملايكة

ام سعد :- يمه يمه وهو منو الحاجي عليج لو ما انتي جايه هداده

.. رادت تطلع .. صراع ما قبل ويكولها لتردين عليهم ابد ما اقبل اطلعين وانتي ضايجه

فوتها بغرفة الحجيه وصاح :- ليليااان جيبي صينيتج واكعدي ويا ام علي بالغرفه يلا ..

فتت وهو كضبهم صياح وفشار وتولاهم وما كاعده عد الخلفكم وشحدو اليجيبها بكلمه والما يعجبو يا باب يفوت جمل  وانعل واشعل .. و رعد و مطّر فوك روسهم

برد كلوبنا ونحن كاعدين بالغرفه نتعلل .. لحد ما تركهم وطلع .. بقينا انسولف وفاتت الحجيه .. رادت تحجي هيام زكحت

عاد كالت :- شو انتي واخوج واحدكم نار ما يتحاجي شجالكم

هيام :- من ضيمكم وانتي تالي وكت مسانده هلخيزبون والله يمه لو سمعتج مساندتهن بكلمه لا اني بتج ولا اعرفج ..

الحجيه:- يا يا يا والله متخبلين .. عمي شعلي بيكم .. فتحت قرانها وكعدت

.. كملت كلشي وصعدت لغرفتي .. لهناك فات صراع .. يبدل وهو يدحك بيا و مبتسم

-شو تضحك

-بتصرفج اليوم فرحتيني اكوت عليج من ما تكسريلي كلمه .. بالسويتي اليوم بينتيلي انتي كبرتي وصرتي عاقله

-عجل شعبالك بس غير انت ما تقدر عقليتي وتكول عليه قوندرا لو عقل .. دحك شكد افتهم ..

وبيني وين نفسي اضحك واكول ما يدري المكرود ردت انزل وانهد بي واهججهم بالنعال بس ربنا لطف ..

-ليون تحبيني ؟

-اموت بيك

-اذا تحبيني اريدج عرس حلا ما تحظري ولا تنزلين ولا احد يلمح طولج

-لا ليش بس اطمش و الله

-يول يكولوها ادحك اتفرج مو اطمش

-لا تمنعني الله عليك

-تؤ لا يعني لا خيولون ..

.. وما قبل انزل .. حظرو كلشي وسوو حنه بس صفكه جان هو معصب وراجعتلو الفلاونزا و يكلهم الاغاني حرام اليشغل اغنيه اذبحو ..

حلا ضاجت حيل وكلهم يكولون هاي مرتو تحش براسو .. ومن انزل اسمع حجي يغث فبقيت كاعده يمو ما نزلت ..

يوم العرس احسها ازمه نفسيه صارت عندو محتقن ومتضايق .. تكت جكاير خلص ومتوتر ..

فاتت على عليه ببدلة العرس مالتها باست راسو وكالتلو بابا اني طالعه سامحني لو غلطت والله احبك

هز راسو :- الله يوفقج ويسعدج بنيتي .. حظنتو تبجي .. عيونو دمعت باس راسها وكاللها صيري سباعيه وبضي وجهي كبال اهل زوجج خل يعرفون انه ربيت واحسنت تربيتج .. ولا تنزلين راسي .. الله يسعدج ويهنيج ..

.. اني ادحك وابجي عليهم .. فاتت اخلاص وهي تكول لاتبجين المكياج .. وبقت تعدللها وطلعن ..

بعد ما كدر يكعد كام يروح ويرد بالغرفه ويفرك عيونو ما يطلع الدمعه بس العين صارت حممممره كد ما تضايق بطلعتها من بيتو وحزنو عليها ..

للمغرب وهو كاعد ومتوتر واني مكابلتو .. عاد ردت اواسي و اخفف عنو .. :- لا تضوج حبيبي الله يسعدها .. تعرف هسه هي شكاعد تسوي وغمزتلو

ما احس الا جف على خدي كامت عيني تطفى وتشتغل شكلت الغمزه بعيني  .. تفاجئت ليش ضربني

:- انتي ماااا تستحين كبالي تحجين هيج عن بنتي كومي طلعي مني

-هو صوجي اوسيك درووح .. راد يكوم وراي شردت من الغرفه طلعت

نزلت يم الحجيه .. سويت جاي وكعدت .. وتضايقت حيل من ضربني شسويت بس ردت اواسي واخفف عنو .. صوجي هو ابو صماخ مال مواساة ..

لشويه خابرت هيام جانت ويا خلا كالتلها اخذوها فضت ونحن راجعين ...

نزل صراع مبدل الدشداشه والجراويه ويرتب نفسو على مراية الحجيه

الحجيه :- خلصت الشغله وهم راجعين

-ما راد عليه بس اخذ نفس وطلع من البيت

مديت فراشي يم الحجيه ونمت .  وهم كل الرجعو نامو واخلاص رجعت لاهلها  ..

للفجر وره الصلاة فتح بطانيتي وانحشك وياي عكس ايدو  وانتجه و يفرك بكتفي ويهمس :- لا تزعلين يولي وردي لغرفتج والله ما قصدي أئذيج بس حجايتج جانت ماصخه

ما رديت .. بقى يبوس بكتفى ويهمس حتى لا تكعد الحجيه .. بس ما يفوتها شي ..

صاحت :- ليلياااان كومي ويا زلمتج وخلوني انام

صراع :- رحمه الله والديج يمه .. كومي انزعجت كووومي .

جرني جر واني اكلو روح ما اريد دفعني وطلعني من غرفة الحجيه .. سد الباب دنك وشالني وصعد بيه ..

بقيت ادلل عليه شويه .. بعدين شفتها ما تسوه واندمجت وياه ..

... الجمعه جان زواج حلا .. مر يوم و اليوم الثاني كال صراع اني راح الزم خفاره ما انزل الا الثلاثاء نا عندج شي سدي غرفتج واكعدي

كتلو ماشي ريكتو وطلع .. بقى واحدنا بغرفتو ما طلع .. للظهر .. بقيت اتراسل ويا يحيى .. وسوالف اني وياه ..

فتحت كاميرا وياه وشفتو شكد متغير ومزين .. بقينا نحجي وندردش .. وما احس الا صوت صراع بالهول الفوك وعيدخل للغرفه

هذا شجابو مو كال الثلاثاء اجي .. ع السريع سديت الكامرا ويحيى يحجي .. فات صراع حطيت الموبايل جوا البطانيه وكمت كتلو هاااا الله يساعدك شو اجيت

-شبيج انخطف لونج

-لا شبيه كلشي ما بيه

-شو الموبايل

-شبي الموبايل

-بس اشوفو

-ليش وكفت كدامو

-انه من انطيتج الموبايل عرفت وراج سالفه وخري دشوف .. بعدني حيل وجر الموبايل فتحو .  وع السريع راح للماسنجر

كان يحيى اسمو انور الغريب وصورة شاب رمزيه .. دحك اسم ولد

وسع عيونو وخزرني :-هذا منو الفاتحه ويا كاميرا

-وحده صديقتي

-وصديقتج باسم ولد .. حجاها وفتح بصمة صوت ليحيى وهو يكولي ( شكلج مشغوله يلا حبيبتي اني اروح للشغل لا تنسين احذفي المحادثه خاف رجلج يشوفهن )

-زكح هذاااااااا منوووووور

... من غباىي وكل خوفي جان لا يعرف يحيى شارد طلعت من حلكي بكل غباء وكتلو :- واحد

هستوني نطقت .. وهو دفرني بخصري احس النفس انكطع كمت ارافس بالكاع ..جر النطاق مالتو وتوالاني ضرب ما اكدر ارفع ايدي مدامني من فوك ليجوا وهو يصيح

احجي ساااااقطه يولي دولي ولد من وراااااي .  كضبني من شعري ونزلني سحل .. اريد انطق احس النفس كوا اخذو ..

شمرني يم رجلين الحجي وكالو هذه الساقطه ما تضل على ذمتي طاااااااااااالق  ..... يتبع

☆☆☆☆☆☆