المراهقة والأربعيني الحلقة (56)
المراهقة والأربعيني
الجزء الثاني
الحلقة (56)
من بعد
خروجنا من الأنبار وسقطت الرمادي.. العالم تبهذلت بشكل هناك .. سدو المنافذ
واليطلع ينقتل ينذبح سواء رجل او امرأه او طفل ..
جان
تفكير صراع بمحلو .. وبلغنا وكال النا طلعوا بالبدل الضائع لو ما طالعين وكتها ..
جان هسه بس الله يعلم بحالنا ..
صح
انتقلنا للأردن واستقرينا .. بس گلوبنا وي احبابنا واهلنا اللي انحبهم .. وابد ما مرتاحين
من كد قلقنا عليهم
اني و
الحجيه و هيام على صراع
وام سعد
على سعد
والحجي
على ولدو
ما
مرتاحين ابد كل وكتنا وبالنا مشغول وخايفين من الساعه اللي نفقد بيها اللي انحبهم
جانت
فترة حيل صعبه واحنه كل فتره نسمع واحد من ولد عمومتهم انكتل و انذبح .. خاصه الهم
ابن عمهم رايد يطلع بعائلتو و عالحدود ذبحو هو وزوجتو واطفالو ..
اليشرد
بنظرهم مرتد وخائن للدوله الأسلاميه ويجاز القتل عليه ..
هلخبر
زرع الخوف و الرعب بأنفسنا .. وام سعد ما مثل اول حيلها انهد على ابنها كل يوم
تتخربط واسمها ليل نهار تبجي وتدعي ما يصيبو شر ..
رغم كرهي
الها و الحقد اللي بيناتنا .. بس جثير اوكات اگابلها وابچي وهي تنعى على ابنها
وتبچي ..
صراع مر
الشهر والشهرين وستة اشهر .. وصراع ما بين ولا اتصل ولا سمعنا اي خبر عنو ..
قلوبنا نار ونبجي ليل نهار عليه ونسأل الحجي و كلمره يطلعنا حجه شكل ..
ويكول
يخابرني ويكول طمنهم .. بس احنه مو اغبياء نعرف صراع بي شيء بس نغالط نفسنا ونكول
ان شاءالله بخير وندعي ندعي ومحد بينا
مستعد يسمع خبر مؤسف عنا ..
الا ما
فد يوم فات الحجي للشقه هو ونائل .. عيونهم مدمعه .. كعدو .. وسأل الحجي
- عمتج وين
؟
-نايمه ..
شكو شصاير صراع بي شي عمو احجيلي الله يخليك متت
-كعدي
عمتج
.... ركضت
اكعدها وهيام بقت تسأل وتستفسر .. ندهت واصيح حجيه الحجي جا ويريد يحجي وياج كعدي
فدوه .. فزت من نومها مرعوبه
-هاااا
شكو يولي شصاير .. وليدي اجا
-لا يوم
الحجي الحجي بس كومي .. گومتها . خطيه جفلت وخافت وراحت تعدل بشيلتها وتمشي ..
رحنا
كعدنا يم الحجي ونائل .. و الخوف مسيطر ع القلوب و العيون تناظر شفايفهم و تنتظر
منهم ينطقون
.
الحجي
:- صارلي ست أشهر وانه ضام عنكم امر واجه الوكت اللي لازم تعرفون
بي
الحجيه
:- حجي وليدي بي شي كول تره گلبي بعد ما يصبر
الحجي :-
دحك بوجها والعيون مدمعه .. صراع مختفي من 6 اشهر نوريه
:- لطمت على
خدودها .. يمه ابني دحام ابني صااااااير بي شي ... وكام ادك على راسها
:- اليوم
تحرينا الامر وتبين ان الوحده اللي بيها صراع وكعو بيد داعش وكل الموجودين تكتلو
ولا واحد نجا
..
هو كال
هيج وهيام كامت تصرخ واني كمت الطم على وجهي والحجيه تصرخ وتشلع بشعرها وحلا فرجت
روحها وهي تصيح
:- لا جدو
لاااااا كول بابا ما بي شي جدووووو لا ابويه مااااااا ماااااات ما مات ..
اني كعدت
بالكاع وراسي بين رجليه واديه فوك راسي واصراخ ... لا مااااااا مات لاااااااا
صراااااااااع واصرخ بكل صوتي
كلها
كامت للحجيه الوكفت على حيلها وتصرخ ربي بس هااااااذ وتاخذه منييييييييي تعب
گلبييييي ربيييييييي ..
يردون
يهدون بيها ما يگدرون لحد ما فقدت ووكعت .. شالوها ونقلوها للمستشفى .. بقينا بس
اني وحلا نتلاطم بالبيت ونصرخ ..
نور و
ساره بنت هيام مكابلاتنا ويبجون ويهدون بينا .. واحنا فرفحت ارواحنا .. واصرخ ليش
صرااااع ليش لييييييش كتلك بطل ولا تيتمنيييييي
موو حرام
عليك تتركنا وييييين نرووووح .. ما فكرت بينااااا .. شگال گلبك من ذبيت نفسك بنص
النااااار
..
واصرخ
واضرب على خدودي صرااااااااااع ..
وحلا تكلو
.. بابا ما فكرت بيااااا ليش بابا تتركني لييييش ... وتملخ بشعرها ..
اجو
الجيران اللي بالعماره والتمو ويهدون بينا .. بقينا بس مدنكين روسنا ونبجي ما نشفت
دمعتنا ..
لليل
والحجي والحجيه ما بينو .. تخابر عليهم نور محد بيهم يرد .. هي الحجي على طول
ضغطها صاعد من خوفها وبجيها على صراع فبليل عرفنا ان الحجيه ضربتها جلطه
وجانت
صدمه ثانيه النه .. فقدنا وانسبينا من الهم والحزن والبجي والدموع ..
دخلت
الحجيه غيبوبه شهر وما صحت على فگد ابنها .. وهيام انكسرت فد مره الظهر محني ليل
نهار تبجي .. ساعه على امها وساعه على صراع
وتصيح
ليش خويه ليييش ابن ادم من يضربه الوجع يصيح ااااااخ وينك يخويا بعازتك انه وين اروح وين انطي وجهي عليك لو على امي
اخ منكم
يا هلي كلكم عفتوني وعفتو هليتام ذول كلهم براسي .. ما كلت بتك مرتك ولد اختك ..
گلنالك بطل وما ردييييت اااااخ يا نار گلبي يا خويا ..
... مأساة و
حزن مررينا .. محد بينا مستوعب شنو صاير ..
زلا احد داري عن احد .. سكون والكل بغرفته لو صافن لو يبجي
احس دموع
ما بقت عندي وابجي .. حيلي انهد .. ماكو شيء يستحق اعيشلو .. هيام بين المستشفى و
البيت
ام سعد
مو احسن حال من عمتي هم تتخربط وياخذوها للمستشفى على ابنها ..
الا ما
فد يوم حصلهم وكاللهم اتفقت وي واحد يطلعنا من الرمادي وراح اطلع انه وعايلتي
هينا
الحجي وام سعد و نائل دخلو انذار وفرفحو وهم يتوسلون بي يبقى لا يطلع وينذبح ..
كال الهم بعد ما اكدر ابقى متنا جوع وحصار وذل ..
المولده
موكف شغلها وشكو فلوس عندو حولهم لعمان وي الحجي وانقطع بعد ما يكدر يستلم لا
صيرفا و لا احد يجيبلو ..
الغبي ما
حسبها وطلع ويانا فضل يكعد ابيتو وما توقع دخولهم هيج يصير بيهم ..
.. وهم طارت
گلوبهم عليه ويخابرون وما يحصلون وواكفين وكوف من وراه ..
ابوره
اسبوع كال ما طلعت الرجال كال عوايلك هواي ما اضمنلك بشاحنتي ما يكضبونا وتركني
وامو
تصيح خايب يمه اكعد بمكانك ولا تطلع وانتظر حكم ربك وليدي ..
والحجي
ونائل هم يتوسلون بي ..
الحجيه
فاقت من الغيبوبه بس ما تكدر لا تحجي ولا تبجي ..بس ع الكرسي .. طلعوها للبيت وبس
نايمه وتنوح بمكانها بليل وما تفهم كلام منها ..
بقت هيام
والحجي يفرون بيها الأطباء .. وبعدين نصحوهم يسفروها اللبنان .. علاج احسن وبلكي
تتحسن .. فسافرو بيها الحجي وهيام
فكامو ام
سعد و نور و نائل طول النهار كلو يمنا بالشقه لان بس علي ويانا بالشقه اني وحلا
وخواتو أثنين ويخافون علينا او خاف نحتاج شي .. فننجمع
ايام
وجابت نور طفل .. وختلف نائل و ام سعد ع التسميه نائل يريدو فهد و ام سعد تريدو
عابد .. اخر شي استقرو يسموه عابد ما راد يكسر بامو وهي مريضه .. بس بالهويه ثبتو
فهد بلا ما يعرفون
..محافظة
الانبار كانت اهون من الموصل اللي سقطت كليا بيد الدواعش .. الانبار مثل ما اكو
ثوار عشاير انظمو لداعش
بالمقابل
اكو عشاير ما قبلت وثارت وساندت القوات الامنيه ع التحرير .. لهيج هي سقطت منطقه
منطقه وما سقطت كلها .
وكان
تحريرها اسرع من الموصل ... بسبب الغيرة الموجود عند العشاير الساندة القوات
الامنيه ..
سنة 2016
تحررت الرمادي وانزف النا الخبر .. رغم الألام البينا كمنا نطافر ونتكامز من
الفرحه وناس تحظن ناس وتبجي وتصلي وتتحمد ..
حتى ام
سعد تفاجئت بيها جت حظنتني ودموعها بعينها وتهلهل لان تحررت المنطقه
للحظه
نسينا كل الحقد و المشاكل و الخلافات اللي بيناتنا وصارت فرحتنا وحده وهي .. تحرير
الرمادي
صح عصت
بقلبي ان الموصل بعدها نار .. بس ما ضلي احد بالموصل واتاني يتحرر ويرجعلي ..
متلهفه لبيت صراع وغرفتي وذكرياتي وياه .
متلهفه
اكضب ملابسو واحظنهم .. لان اخر شي تركلي دشداشه نزعها وما غسلتها .. بس لكيت هيام
غاسلتها وشكد انقهرت من غسلتها .. فمتلهفه اكعد بوسط ملابسو وارجع اشتم عطرو
عمري ما
راح انسى بيوم رجل مر بحياتي مثل صراع .. الكل يتعجب شلون تركبنا وتزوجنا .. لا من
ديني ولا بعمري ولا من بيئتي .. بس صارلي اهل ... ما انكسرت على امي كد ما انكسرت
عليه ..
صحتي راحت
ضحكتي راحت .. حتى ما كمت ادعي .. لأن ادعي شطلب مثلا .. يرجع .. استحاله ..
... حظرنا
غراضنا ولمينا حاجياتنا وطلعنا من الأردن رجعنا الى العراق ..
دخلنا
حدود العراق وادحكلو من فوك من يم الشباك .. دموعي جرت .. شگد ما تعذبنا بهذا
البلد يبقى حبو نابت بگلبك وتحن الو ولكل الامو
مو
يكولون ( الله يا هالوطن شمسوي بيا الله .. نيرانه مثل الجمر تلسع و اگول اشاه )
.... نزلنا
مطار بغداد ورجعت اشوف وجوه العراقيين اللي التعب و الهم راسم ملامحهم ...
للحظه
عصفت بيا الذاكره .. و اتذكرت .. اني منو الي هينا بالعراق .. ولشنو فرحانه راجعه ..
ارجع
لمنو .. ومنو يستقبلني ؟ .. لا اهل لا زوج لا احباب .. اني الوين ؟
بقت
دموعي تهل بحرارة .. اقسى شعور ممكن تعيشو ان تحس ترجع غريب لبلدك بعد ما طلعت منو
وتارك اغلى الناس .
كضبت
ايدي نور :- ولج كافي ما مليتي دموع ما شبعتي بچي ان جان ميت ادعيلو بالرحمه وان
جان عدل ادعيلو يرجع
-نور اني
راجعه المن
-بيت رجلج
يولي وانتي مرتو شرع وقانون منو يكدر يمسلج طرف .. وهو كم مره موصي لو متت العندي لبنتي و مرتي ..
-ليش هي
الفلوس تلمني تشفي جروحي .. اريد رجلي نووور اريد اهلي
-الله
يصبرج حبيبه هذا قدرج شتسوين خلي عينج بعين الله وسلمي امرج بيده ما ينسى عبد
واحنه يمج وانه اختج والله لا تشيلين هم ..
وصلنا
لبيت ابو صفاء .. نزلنا سلمو علينا ورحبو بينا بلهفه .. بس احنه جنه تعبانين ..
دخلنا كل
واحد.بگلبو هم .. فتت للاستقبال وحدكت مكانو الجان كاعد بي من ابتسملي ويكلي ليش
واكفه حدري كعدي يمي ..
رحت
المكانو شمرت الجنطه من ايدي وكمت اصرخ ولك والله اشتاقيتلك ليييييييبش .. مو جنت
تكول لامك لو متت خلو ليونه على كلبي ودفنوها ويااااي ولا تبعدوها عني
ويييييينك
وين كبرك خل اتوسدك واموووووت برااااحه
صراااااع ..
كعدت حلا
تصرخ يمي وتصيح اخ يا يابه والله كسرتني
المن ابجي عليك على اخوي .. عفتوني ليش
يااابه ..
ساعه وكل
واحد ماخذ زاويه ويبجي اخر شي فات ابو صفاء ودنك باس راسي وكال :- يابه ذكرو الله
اندعو بلكي مفقود وما ميت .. و حتى لو ميت ما يجوز هيج تبجون عليه . ما يصير ..
وصاح لام
صفاء ونور تشيل بينا اني وحلا .. مشيت من الغرفه .. شفت بيها اطفال .. صدت عيني ع
التخت ..
اجا
ابالي لحظاتي وياه على هلتخت .. تغص ابلعومي وما يخلوني اصرخ .. اتمنى يفرغولي
البيت واكعد براحتي اتكابل اني وذكرياتو وابجي ..
... يومين و
رجع الحجي و هيام من لبنان .. وجايبين الحجيه وياهم .. كن زينه تكدر تحجي تحرك
ايدها . بس ما تسولف سالفه طويله ولا تكدر
تكوم ..
منعوها
من البجي تماما .. فابد ما يصير نضعف او نبجي كدامها مو زين ...
...بهلفتره
اللي كعدنا بيها ابغداد .. الحجي بعث نائل لسعد يرممون البيت ويصبغوه لان متأذي
شويه ..
وره
يومين خابرنا نائل وكاللنا الخبر..
ان داعش
لما سيطرو ع الوحدات اللي بيها الجيش .. الشيعه ذبحوهم و السني سجنوه ع الهويه
بامر من خليفتهم الارعن ابو بكر البغدادي ..
حتى
السني ابن العشاير يسامون بيه عشيرتو ان ننطيكم ولد مقابل ان تنفذولنا متطلبات او
تعطونا منفذن نعبر منا وقت لما الجيش حاصرهم وحرر الرمادي
فاجا
الخبر للشيخ ان ابناءكم عدنا وما ميتين .. يا تنطونا مجال وتساعدونا .. يا نذبح
ولدكم العدنا
وهلشيء
انرفض .. محد يكدر ينطي بكاعو لخاطر كم زلمه من العشيره ..
هلشي رجع
الامر وكأن اليوم جانا خبرو .. تلاططمنا وبجينا وصرخنا .. يعني فعلا فقدنا الامل
واجا الامر بذبحهم ..
اذا جنا
فقدنا الامل برجوعو .. هسه وكان ننتظر يذبحو ويشمروه .. وما كدامنا اي خيار ..
الموضوع
جان مثل جرح فتحو خياطو وحطو عليه ملح ..
ما بيدنا
شيء غير نبجي .. والناس تواسي بينا .. حتى ما بقت غلاة لدموعنا صار اليشوفنا نبجي
ما يهتم كثر ما بجينا ..
بعد
اسبوع كال الحجي لمو غراضكم دنرجع لبيتنا للرمادي ..
لمينا
وجهزنا وطلعنا للرمادي ... دخلنا البيت بعد ما مر على طلعتنا منو سنه و نص ..
فتنا ..
بس ااااخ شكد يوجع المنظر .. اول واحد صرخ الحجي وكعد بالكراج ويبجي ويدك على راسو
ويصيح
:- اخ يصريع
يا يابه .. يا جبيري و يا عكال راسي يا يابه ..
كعدو
بالكراج يبجون .. اني طاك كلبي على خانتو اريد اصعد واكعد بنصهم واصرخ وارتاح ..
فتحلي
نائل الباب وانطاني مفتح غرفتي .. البيت خراب مكلوب وماكو فرش ..
صعدت
لغرفتي گبل .. فتحت الكنتور اللي بيها دشاديشو وملابسو .. لهسه العطر موجود كن لفح
بوجهي .
دخلت بنص
ثيابو واصرخ واحظن بيهم وهم مثل المطر يتساقطون عليه .. احظن واصرخ من كل گلبي ..
لحد ما فقدت بنص الخانه ..
صحيت على
هيام وهي تصحي بيا وتبجي .. كعدتني وكابلتني تصرخ وتبجي لان ما تكدر تحجي وتبجي من
كل گلبها كدام الحجيه ..
ومن
بعدها كمنا كلنا تنضيف للبيت وفرش وشغل وبيت عمومتهم جو وسعد وعائلتو وصارت هوسه ..
رجعت
الهوسه .. بس شسوي بيها والبكلبي ماكو بينهم ..
بكل مكان
بالبيت الو بي ذكريات .. الدرج الحمام غرفة الحجيه المطبخ الهول الاستقبال الكراج
.. وين اصد تنزل دموعي ..
فترة
التهجير وكبل لا تموت امي جان وزني 60 كيلو هسه 42 كيلو بس .. صرت جلد على عظم ..
كاني طالعه من الكبور .. على حالتي وقهري
... عمامهم
اقترحو ان يسوون عزا لولدهم الماتو ٦ ويا صراع 7 غير مرة ابن عمهم و ٣ اطفال الو .. لان جان بوكت داعش ممنوع العز
.. المات مرتد بنظرهم حرام احد يبجي عليه
ف اقترحو
الفاتحه ابيت الحجي وكل عمومتهم انكلبو هينا .. وعجت الدنيا عدنا وخدمه و شغل يهد
الحيل ..
مر علاوي
وهو تعبان من الفاتحه .. كال ليليان بس جاكيتي بغرفة الحجيه جيبيلياه ..
رحت
للغرفه لان ميكدر يدخل جوا كلها نسوان .. طلعت انطيتو الو .. كام يلبس ويحجي وياي
.. امي وين ومدنك راسو يلبس بالجاكيت
بعدني ما
راده جان عمهم صالح يصيح ياهي هاي ..
اندرنالو
اني وعلي اثنينا ... كالو :- ها جدو هاي ليليان مرت خالو صراع ..
جان يزكح
بيا كدام الناس ويكول فوتي جواااا ا زلممتج ما هو المفرزض خيالج ما ينشاف .. مو
واكف وي الشباب تتضاحكين ..
.. صفنت يا ضاحكه هو اني بيه حيل ضحكه .. علي ردو :-
جدو يا ضاحكه بس جاي اسالها على امي
- وانت
شعندك وياها وادافعلها عليوووي ما نخلص من طلايبك هلنوب على مرت خالك ..
كلها
طلعت .. فضحني فضيحة الله واني لا بيها ولا عليها كلها وكفت ادحك شعندي وي علي
صاح ع
الحجي وكالو هلمره شنو مصيرها هينا .. بنيه حمره خضره وشبابنا طايشين تتورط بيهم
يتورطون بيها ونتصخم ورجلها ماهو راضين بهلحجي انتم .....يتبع
☆☆☆☆☆☆
اختصرتلكم
معاناة سنه ونص من التهجير ومشيت بالاحداث
طيران لحتى ما ادخل تفاصيل حزنهم .. وابدا بالاحداث المهمه بعد غياب صراع
وهذة
كانت ناقة ال ١٠ مليون .. وان كانت قصيره لكن ما كدرت اخلف بوعدي معاكم رغم
انشغالي وضيق وقتي .. اشكركم من كل قلبي❤
☆☆☆☆☆☆
تعليقات
إرسال تعليق
اهلاً وسهلاً بقرائنا الكرام نتشرف بكم في مدونتا ارجو الاشتراك في مدونتنا ليصلكم كل ماهو جديد تحياتي لكم