المراهقة والأربعيني الحلقة (5)

المراهقة والأربعيني

الجزء الأول

الحلقة  (5)

صراع:- بس كلولي ويييييين.. وين وديتو احجو..

-خاله والله منعرف بيه ولا نعرف وينو.. كل القصة أخوك يلاحك بتنا و شهرنا بالمنطقة وخرب سمعتها.

-خرب سمعتها هااا .. لو ما بتكم طالعه وياه .. هسه تشمروها براسو وطلعون منها وتبلون بمصايبكم.

احجو لا بالقران افلش بيوتكم..

-عمو والله إني ما طلعت وياه هو يعاكس كلما فتنا من طريقو.. ما حاجيه وياه ابد والله هو كان يتعرض إلنا ويمسكني ويتحرش..

-لج بنت النواقيص هسه تبريتي منو دنعل الخلفوكم.. والله لو ما حريم.. بس بسيطة.. انه اعرف شلون أتصرف وياكم...

-تركونا وطلعوا.. وقفلت ماما البوب وندارت.. ولج كليلي وتالي شلون وين نروح حتى ابن خالتج بعد ما يريدج وين اوديج.

-ماما إني خايفه حييل... وبجيت..

-ولج وين نولي وين نشرد فهميني ذوله ما راح يتركونا بحالنا وين ننطي وجهنا فهميني.. عزه العزاني ..

وين رحت جرجيس شوف حالي بيا حال.. بتك ما اعرف احميها.. كعدت وماسكه قلادة الصليب بركبتها وتبجي

كعدت يمها وتجيت راسي على أيدها وابجي.. أخذتني وخلتني على رجلها وتمسح على شعري وتدعي ..

.........أبو حرب ........

-ولكم دخت راسي راح ينفجر .. اخخخخخ منك عابد.. تطلع منها سالم بالقران إلا اخلص بيك القاضية. على هالفرفحه الفرفحتنا بيها.

-أبو حرب يمكن عابد صدك متورط بفضح البنية.. أنت سمعت صديقو شكال.. يحب بنيه وراح يشوفها..

-يحبها.. بس ما گال يلاحقها..

-لا گال بس أنت طلعت.. كال هو يحبها وهي ما تريده.. وصار يومين ما مرت فراح عليهم..

-هاي شوكت حجه هيج.

-أنت ما سمعت كل الحجي.. ورثت جكارتك وطلعت بمجرد ما كالك اللي يحبها اسمها ليليان..

-والله هالعابد كلشي يطلع منه غاسل أيدي منا.. اخخخ يا يابه. كله من الحجي.. كل ما حجينا وكال تركه يابه يتزوج ويعقل

وزوجناه وزيدنا الطين بله.. وهل هاي ضاع وضيعنا وياه. وين نلكاه بس الله يدري..

-نلكاه إن شاء الله .. بس لا تقهر روحك.. ضغطك يابه.

-شنلكاه كلي شنلكاه. هالكلب يحيى.. ايدو بيد الدولة الاسلاميه.. تعرف شنو يعني.. يعني القاعدة يعني إرهاب..

وتالي عمري اركض وره الإرهاب أجرجر عابد منهم.. الله يطيح حظك يا عابد على هالبلوه هاي..

،،،،،،،،ليليان،،،،،،،،،

- كعدنا الصبح بدلنا إني وأمي.. ورحنا للمستشفى.. يحيى كان هناك.. سولفتلو أمي على إلي صار بالليل وتوسلت بيه إن إذا تعرف مكان الولد تتركه

لا تروح كلنا ضحية وهم كلش زين يعرفون أنت الوره السالفة.. ما حجه بقى بس يهز راسو.. وبقت أمي توصي عليه هواي

وتكله احنه نسوان وما ألنه احد.غيرك استر علينا واتكرهم تره ذول عشاير ما تتواجه لا واحد ولا اثنين واحنه لا عمام ولا عشاير عدنا.

انوب تركتو ورحنا كعدنا ويه باجي خالديه.. ما قبلت تبقى بالمستشفى.. تكول أريد اطلع ما أبقى.. .

راح يحيى كمل أوراق الخروج واجه طلعنا.. و الطريق كلو ساكتين وما نحكي..

دخلنا ع البيت.. صاحت باجي على يحيى.. كالتلو إذا عندي يمك كدر.. تترك ابنهم.. والله ما إلي احد غيرك لا تفجعني بيك خله يولي..

إن كتلته ما تستفاد شي.. شمره واتبره من خطفه وحاسبهم على فضيحته لأختك وأتصرف بعقل يمه الطيش ما ينفع احد..

كاللها إن شاء الله يمه بس ارتاحي.. أمي راحت سوت ألها شوربة واني كاعده يمها..

،،،،،،،،،،،أبو حرب،،،،،،،،،

- ما تركنا درب وإلا طريناه ندور على هالعابد.. ترصدنا للي أسمو يحيى.. عسى نكدر نكضبو ونعرف مكان عابد..

.. بقينا نراقب بيتهم بسيارة وحده خليناها بالساحة ونبقى نراوح بالفرع..يا رايحين يا جايين.. حتى ما ينتبه إلنا

دحكنا علي لما جاب أمه و أهله جانو وياه بالسيارة.. رادو يتعرضون اله...كتلهم انطو صبر .. يطلع ونكضبو.. خله يدخل اهلو..

كعدنا ننطر للعصر وما طلع الناقص..

-أبو حرب راح نبقى اناطره ليما يطلع .. خل ندخل بيته وناخذو..

-إذا ما طلع.. ناخذو بالليل.. هسه ما نكدر.. الناس كلها موجودة ما نريد نجيب العين ونلفت نظر..

خلنا ننتظر..

للساعة 8 بالليل.. دك موبايلي.. دحگت الاسم.. عابد.. فزيت من مكاني .. صرخت بيهم هذا عابد اسكتو ..

فتحت خط.. وصحت الوووو .. كوة يحجي وكال أبو حرب الحكني..

-وينك انته يول عكول ما ضلت براسنه من وراك.. وين انته .. كوه حجه ودلانه على مكانه.

كتلهم امشوا.. تراكضنا لسياراتنا وطلعنا.. وصلنا للمكان ألهوه بيه.. دحكتو وهو كاعد بالكاع..

زكحت بمسلم.. اكف هذا اكف.. نزلنا كلنا من سياراتنا.. هو دحكنا وكام.. سطرته براشدي.. وكعتو للكاع..

انته ما تستحي على روحك.. ليمتى تضل اعوج.. صارنا أيام احنه وعمامك ما تركنا ديره ما طريناه خاطر حضرتك وانته ماكو..

متكف سرسره انته.. جيله أحطها براسك واخلص منك.. اصايح وياه وولد عمي كاضبيني عنو..

-أبو حرب اهدء يابه خل نفهم شبي وين جان.. حول يا الله..

-أتصارخ وياه وهو مدك راسو ما رفع عينه.. بقيت امسح بوجي من العصبية وامشي منا وأجي هنا.. ولد عمي يسألو بيه..

شلونك وشسوولك و وين جنت.. شفته ما يجاوب .. حسيت بي متأذي.. صحت بيهم.. اصعدوا.. أمه طك كلبها علي..

خل ناخذه للرمادي وهناك نتفاهم.. صعدنا سياراتنا.. وهو ويانا ما حجه ولا كلمه..

وصلنا الديرتنا.. نزلنا الباب.. ولد.عمي رفعوا أسلحتهم ورمو بالجو فرحانين برجوعه...

اخذتو ودخلنا جوه.. تلكنه الحريم أمه والبنات خواتنا.. يبوسن بي ويبجن والحجي حضنه وسلم عليه..

انه تركتهم وصحت.. بابا حلا صعدي حظريلي الحمام بساااع ميت.. أجاني صوت من وراي..

-هلا بابو حرب كرة عينك برجعت أخوك

التفتت.. إخلاص.. هلا إخلاص .. هلا بيج .. يسلمج الله..

- والله ضل بالي يمك كلت أكيد فرفح كلبك عليه لحد.ما لكيته.

-الحمد لله المهم هو بخير الباقي يهون..

حلا:- بابا جهزت الحمام.. اصعد..

-إي بابا.. اخوج وين.. ما هوه..

إخلاص:- يمنا أبو حرب لا يضل بالك اخذتو صار يومين امتحانات عده وهنا هوسه كلت اخلي يمي..

-ممنون منج اتسوين زين.. انه هم ما دريت عنهم بالي جان بعابد.. أترخص انه اخذي راحتج..

إخلاص:- مرخوص يالنشمي محفوظ بعين الرحمن إن شاء الله..

حلا:- ها خاله هااا بدينا

-ولج سكتي على حظي المصخم لما حجو بسالفتنا طلعلنا عابد صفح.. يارب تكضي على خير وتصفالنه الأمور..

-خاله اتمناج لبابا .. أدحك أمي بوجهك وبحنيتج شفايتله بابا ياخذج..

-يا بعد.عمري يا خاله وأنتي الله شاهد.حسبة بنيتي .. والله كل همي أنتي وحرب أكول شلون مدبرين اموركم هيج..

وعمتج هيام ما داريه عنكم ونور مرت عابد عظمها ينكط سم وأخاف عليكم منهم.. إن شاء الله خاله بس تصير شحده اليدنالكم.

-إن شاء الله..

صراع:-سبحت وصليت ونزلت.. عابد ماكو.. حجيت وي أمي.. عجل وين عابد ؟

-أخذته حرمته تسبحه وتشوف شناكصه حالته تعبانه..

-ما حجالكم شي ؟

-لا والله ييمه بس كال مجتفيني و متكاونين علي وكاتلي وشامرينه بغرفه ظلمه واليوم هدوه.

كلناله ارتاح واحجيلنا.. خله للصبح يرتاح ويحجي.. هسه تعبان..

-شلصبح هي مال صبح.. هسه يجي يحجي.. ما فارغلو انه.. صارلي أيام تارك دوامي من وره سوالفه السز..

الأب:- بويه أنت هم على كيفك وياه.. تراه تعبان.. لا أنت والدنيا عليه..

-شسويتله .. كطمت اذاناته.. حطيتله جيله برجله وكعدته .. ما كافي الشفناه من وراه.. دا أشوف هم يجوز لو اتوبه من صدك من سوالف النسوان..

أم عابد:- تراه شاب وطايش يكبر ويعكل .. على كيفك وياه كل الزلم أدور نسوان كادرين بس على هالفقير..

-بالله أنتي ياريت اطلعين منها.. اخوي لو ادفنوا انه اعرف بيه مالج دخل بيناتنا..

جاي أحجي.. ولمحت نور مرت عابد طرت الباب ومشت.. صحت عليها رجعت..

رجلج وينو ؟

-خليتله العشا عمت عيني جوعان..

-مو وكت تعمى عينج.. صيحي كليله صراع يريدك..

-بس يخلص أكله..

-يلحك يتسمم صيحي أريد اصعد أنام..

-ادلل خويه..

الحجية:- ييمه والله خايفه عليك لا يصعد ضغطك.. دير بالك على نفسك ما تفيدك العصبية..

-هزيت راسي ألها.. وبقيت على شواربي.. دخل حرب بصوت عالي فززني .. باااااابا..

هلا وميت هلا.. هلا بسورها ونورها.. شمر روحه علي.. عصرته بحضني أشم بيه.. شلونك بعد أبوك.

-زين.. وين جنت..

- دخل عابد.. بست حرب وكتلو اصعد بغرفتي ألليله على ذراعي تنام.. باس راسي وركض..

أندرت لعابد.. اكعد اكعد.. خل نفتهم القصة..

عابد:-ماكو إي قصه أبو حرب همه أخذوني بلا ما اعرف السبب..

-عجل والبنية الملاحكها منو ؟

-مالها دخل هاي بخطفي

-انته جاي تتغابه لو شلون.. أخوها هو متورط بخطفك..

-منيلك هالحجي ؟

-أنت جاوبني الخطفوك دحگتهم.. تعرفهم..

- لا ما اعرفهم ولا دحكت واحد منهم بس سمعتهم..

-يخربطون فصحى ؟

-إي

-تعرف ذوله القاعدة.. والله ستر وطلعك مدري شلون.. متعجب اجيتني سالم إلا جنت مخلي أبالي زين لو ألكه راسك..

-القاعدة شلهم بيه.. وشربطهم بالبنية.

-أخوها عندو علاقة بتنظيم الدولة الاسلاميه..وجان وياهم من سألو عليك بيومها..

هسه اللي أريد فاتهمه شسالفة البنية ألاسمها ليليان.. منين هاي وشعدك وياها.. صحيح انته فاضحها بالمنطقة مالتهم..

-شفاضحها ختولي .. كلها خلك ساقطة سوتلها زعله عليه وتتفزع عليه الجيران عود انه أتحرش بيها..

-بس ما هيج الحجي سمعناه. على أساس أنت ملاحكها وهي ما منطيتك وجه وفاضحها

-جذابة تريد تكربسها براسي.. كم مره تجيني للسيطرة واسأل الولد.. يوميه تمر وتتمضحك..

الأب:- عجل ليش أخذوك يابه

-مو هذا السؤال.. كول ليش تركوه.. سالفتهم ما خاليه.. أخوها ما ارتحتلو .. فد واحد.نكس مهتلف..

لا يلعب وياك ملعوب قذر..

-شيسوي مثلا..

-كلشي يكدر يسوي وما نكدر نحقه.. لا أهل لا عمام عندو .. والوضع هيته.. المن تروح و ويامن تحجي

أنطي راتبك هالشهر واكعد.. بلكت اكدر اتوسطلك وأنقلك للرمادي حتى لو لغير محافظه المهم الموصل بعد ما تدخلها..

انه اصعد هسه انته اخذ راحتك وجوز من سوالفك.. وهذا أخر إنذار.. مرتك حامل اتقي الله واترك النسوان..

،،،،،،،،ليليان،،،،،،،

مرت أسبوع والرجاجيل من يومهم بعد ما دحقناهم.. السالفة دتكبر يوم عن يوم.. والكل يحجي بالفضيحة..

كأن ما صدكو اكو سالفة بسرعة انتشرت.. و يسمعون أمي كلام وحجي وهي تجي تتعارك ويايه..

يحيى حط دار للبيع أو للإيجار.. ومحد مر ولا احد أجه يأجر أو يشتري.. وهو يوميه عرك ويايه وصياح وعياط

مدرسه كأمو ايست ارجع.. من كد أعصاب يحيى ما يتحاجى..

يحيى يحب يحجي بالدين ووهوايه ديتعمق بيه.. ف وهو يحجي واحد معيره كايله تحجي بالله وأختك بايعتها بالمنطقة..

عاد هو ما ضال عقل براسه.. ومتعارك وصايره هوسه.... أجه للبيت نار كبره.. لزمني ضرب وأمي تحيله عني وصياح وعرك..

رايح للي اسمه خالد يريد ينطيني اله.. ذاك رافض ويكله.. سمعت أخابر لا تسر عن أختك.. وهي كافره وفاجرة..

عاد متخبل بالزايد.. وحاير وين يطمني ويخلص مني بوده يشرب دم من عندي..

اجو خوالي حجو وياه يروح لاهل الولد اللي تسبب بفضيحتي ويحجون وياهم.. ويتحملون مسؤولية الفضيحة..

كايللهم هذا ضامله ضمه بس الله يدري بيها.. كايليله جوز من سوالفك واستر السالفة.. البنية انفضحت.. لا تزيدها وشوف شنو حجيهم..

عاد راح خالو و جيرانه أبو سارة.. آخذو عنوان بيتهم بالرمادي من السيطرة.. وراحولهم..

،،،،،،،،،،أبو حرب،،،،،،،،،

جيت من الدوام.. لكيت ناس بالاستقبال.. صفيت سيارتي بالكراج ورحت للمطبخ.. كتلها أم علي منو موجود..

كالتلي ناس من الموصل.. يمكن أهل البنية المتورط وياهم عابد..

هزيت راسي.. وانطيتها السويج والسلاح تضمهم.. ورحت سلمت وكعدت..

عمامي كاعدين والحجي.. والولد.. كعدت.. سكتوا.. كتلو ها يابه.. خير خو ماكو شي..

-يابه الجماعة من الموصل.. ويكولون ابنكم فاضح البنية وأهلها مبطليها من المدرسة والمنطقة معيرتهم ومتأذين..

-ابنه ما فاضحها.. هي عدها علاقة وياه.. ومفزعه أهل منطقتها عليه .. بعد شنو جايين يحطوها براسنا..

حجه خالها..

-ابني الحجي هذا مو صحيح.. ابنكم كم مره متعدي للبنيه.. و صديقتها بت هذا الرجال وياها تمشي..

وهم حجت.. يوميه يتعرضلهم ويمسك ليليان و يعاكسها.. وغيرو الطريق في سبيل ما يمرن من السيطره و يعاكسوهن..

وهم لاحكها للبيت ولازمها.. ومن رافضته ورايده تمشي ابنكم مجرجرها للسيارة عاد هي ضالة تصيح عليه وتبجي..

من طالعين الجيران ألها كالب عليها ويكلهم صاحبتي وأريد أصالحها.. والجيران تشهد على هذا الكلام.

حجه أبو سارة....:- ابني تره البنية طفله واحنه جيرانهم صار عمر من قبل لا تصير وهي رابية وي بنتي الله شاهد ما فد يوم سمعنا صوتها

بينيه خلوقه تروح وتجي ويه بنتي يوميه.. وجيب أخوك وخل نحلفهم على هالكلام.. حرام سمعة العالم مو لعبه..

وإلا الشرف والبنية انطعنت بشرفها وما أظن عشايركم تقبل الفضيحة لبنات الناس..

الحجي:- لا والله ما نقبل وإذا ابنه صوج نكص راسو إن شاء الله يومين ونجي للموصل نتفاهم وما يصير خاطركم إلا طيب..

صراع:- بعد الكلام.. ودعناهم ودخلنا.. حجه وياي الحجي ..

-يابه شرايك وين الصح..

-والله يا يابه هذا ابنك اكبر ساقط.. واتوقعها منه .. من باجر اطلع للسيطرة الجان بيها واتواجه وي صديقو.. واعرف الصح من الخطأ..

حجينه وي عابد بالليل وكناله إذا غلطان وياها وفاضحها استر على البنية وأخذها..

كام يتخبل ويصيح ويكول شنو اتزوجلي ساقطة تتبله عليه.. هيج منها وهيج من أهلها..

ثاني يوم رحت للسيطرة لصديقو.. وحلفته بالقران يكول الصدك.. كال عابد هو لاحكها وما شفتها فد.يوم وكفت لو حجت وياه.

كل الجنت أشوفه عابد يريدها ويتوعدلها لان رافضته.. كتله جوز منها .. كال دخلت عقلي بعد..

تخبلت من سمعت هالحجي.. يعني فاضح بت العالم و يكول ما أتزوجها.. رجعت اتكاونت وياه وذاك الصياح والعياط..

وهو يكول إني ما فاضحها هي عدها علاقة وياي.. وهي اكبر ساقطة.. وما أتزوج ساقطة.. شنو تردون تكربسوها براسي..

عاد خليت القران وكتله حط أيدك واقسم وكول هي ألعدها علاقة وياك مو انته الفضحتها..

حط أيده وقسم بالقران.. تخبلنا يعني صادك.... زين هسه وين ألصدك نصدكهم لو نصدكه ؟؟؟

عاد أخذت الحجي و عمي وسعد.. ورحنا للموصل كعدنا وياهم.. وكلنالهم.. شتريدون احنه حاضرين..

فلوس إي شي تردون ننطي.. بس البنية ما ناخذها.. وابنه قسم على القران إن هي عدها علاقة وياه.. وما يردها

واحنه فضا للنزاع شكد ما تأمرون احنه حاضرين.. بس زواج ما نكدر..

عاد رفضو إي مبلغ.. وكالو حوبة البنية بحظ وابخت ابنكم.. توسلنا ياخذون فلوس رفضو..

زين الحل شلون.. ما وصلنا الحل هم يحجون واحنه نحجي .. يردون نستر عليها ميقبلون بالفلوس..

عاد كلنا نرجع نجرب وي عابد بلكت يستر عليها ويلم السالفة لا أطول.. رجعنا الثاني يوم حجينا وياه هم رافض..

تكاونه وياه.. ومصايح وما يقبل بيها.. عاد لزمتو ابوكس فلشت وجهو.. كام يصيح ويكسر وتركنا وطلع..

درتلهم .. حجه الحجي.. والحل يابه..

-ننطيهم فلوس ونفتك.. شنسوي

-يابه ما دحكت بعينك ما يردون الفلوس..

-والله عاد يابه ما بيدنا شي.. ومنو كال بتهم صادكه ابنه حلف وبتهم ما نعرفها تطلع مو خوش ويردون يبيتوها بروسنا

وأخوها نكس.. عاد اختو شلونها.. أكيد أنكس منه....

أخذت سويجي جاي اطلع جان يجيني حاتم ابن جيرانه ويكول أبو حرب الحك.. أخوك أندعم ع الشارع......يتبع

☆☆☆☆☆