ليتني استطيع فعلها الحلقة (29)

ليتني استطيع فعلها

 

الحلقة  (29)

الخيبة و الخذلان سيصنعان منك شخصا اخر لا تعرفه ابدا 🖤

.......

ابتعد :- لا اخليج تعيشين شعور الخيانة كل يوم، والله لاندمج ع الساعة العفتيني بيها لاخلي كل ايامج البيض سود

-وخر مني حرام عليك والله

همس :- ليش مو هذه جانت امنياتج ( اخلع عنك ذلك القميص المزعج )
حط اديه على قميصه وسحبه بقوة كطع الدكم كلهن
دفعته حيل و انداريت اطلع، لزمني من ايدي و شمرني للكاع

وكعت بعدني دا اكوم لزم رجلي كمت ادفر بيه برجليه و ازحف على مقعدي منه بجيت و اني اصرخ :- وخررر
خالد وخرررر لا تخليني اكرهك حيوووووان

حط رجله على رجلية و ثبتهن و هو مركز نظره بعيوني:- شبيك تخبلت عوفنيي

-تبجين مو اني الجنتي تتخايليني كل يوم على فراشج ؟ مو جنتي تكضين الليل و انت تتخايليني

-لا وخررررررر

-هالشي مكتوب بمذكراتج و اني وعدتج احققلج كل احلامج
كام سحبني و شمرني على فراشي سحبت نفسي منه ، جر رجلية و زحف على جسمي، قيدني لا اكدر اسحب رجلية منه ولا اكدر اكعد على حيلي بس املخ بيه و اضرب و ابجي بكل قوتي

لزم الفانيله مالتي شكها لحد النص، رجعت راسي ليورا واني اشهك بقوة و ابجي و دموعي توكع من وجهي منا و منا

تقرب و همس :- البجي هذا خجل لو حب ؟

محجيت بقيت بس اشهك حطيت ادية على وجهي لا حول ولا قوة و كمت ابجي بقوة، حجه هو :- شنو اللي الجاي يمنعج مني؟ نزعي العيب و الحرام و اليجوز و الما يجوز و خلينا ننسى بعضنا ابعضنا

ما جاوبت على كد ما غاصة بالبجي، حط راسه على صدري، هدأ و هو يستمع لشهكاتي جوا ، فتحت عيوني حاولت ابعد راسه، باوعلي :- ماكو بينك و بين ابويه شي كلكم حيوانات ووقت اللي يعجبكم تستغلون المقابل بشهواتكم

مال عن جسمي و نام بصفي و سحبني لحظنه قفلني بأين اديه و اني احاول ابعده و اصرخ :- وخرررر حيوان الله ياخذك

باس راسي و هو يشتم بشعري و كال :- الله يسمع منج

-وخر ايدك يلا افتح

-ديار كافي اني تعبان و انت تعبتي ما مجبورين نحرك ارواحنا حتى غيرنا يرتاح نطقي كلمة وحدة وخليني اوكف هالمهزلة كلها

-ماكو مهزله غيرك واني الجنت خادعة روحي بيك و اكول يختلف شوف شنو جاي اتسوي بيه

-سكت و ما حجه و بقى قافل اديه

-حتى كمت اكش منك وخرررر ياله

-من حط ايده عليج ما كشيتي شفتج ما اهتميتي هسه ابين اديه كاشة موو

-وخررر

-احجيييي ولج اني الغبي الجنت اكلج روحي للمستشفى و ابقي وياه الله عالم شمسويلج و هيج متورطة بيه

-عقلك السخيف ما يهمني افتح اديك خالد كاااااااااافي

-لا مو كافي

و هو جاي يحجي فتحت اديه و كمت بسرعة سحبني انداريت انطيته راشدي قوي هو من ضربته تخبل وكعني للفراش و اتقرب بكل وحشية

كمت اصرخ بكل صوتي حط ايده على حلكي
الوجع الشفته وياه ما شايفته كمت اتوسل بيه بس يعوفني و ابجي حيل
ابتعد مني و هو مصدوم

لميت تفسي و اني اشهك ، سحبت الجرجف و لفيت جسمي و دنكت راسي ابجي بكل قوة، كم احس دم كام ينزل من عندي هواي

خالد :- انت بنية

-اكرهك والله ينتقم منك ان شاءالله
احجي وويا كل كلمه اشهك

-شلون هيج بكارتج موجودة و انت الجنت تسولفيلي على اعتداء ابوج الج ، و زواجج ؟

-ابتعد مني اطلع ما اريد اشوف رووووووح
وصرخت ابجي

تقرب مني :- صرتي مرتي انسي كل اللي ابالج

-انت حيوان قذر و سافل شنو بعد التريدة مني اخذت شرفي قبل يوم عرسي شرايد منييييييي بعد رووووح

-وبعدج مصرررررة على صخامج ولج كااااافي كاااافي شسوي بعد و تعوفيني و لو عايفتني ورايحة اهوووون ولج انت راح تتزوجين اقرب الناس الية ولج ارحميني كاااافي

-تستاهل و الا اخليك يومية تموت و اني وياه والله

-هيج صارت يا ديار
تقرب مني لزم شعري لا اخليج تكرهين روحج بالقران لا احسسج انت و امج سوا بنفس المستنقع اليوم وياي و باجر عرسج ردتج بالحلال بس انت الجنت تتخيليني بالحرام وراح اغركج بنص الحرام لان انت هيج مسسسسسسستنقع

انتظري الراح يجيج مني والله لاسود عيشتج

كام من مكانه بدل و طلع كعدت ابجي بمكاني بقوة
الجنت احبه طلعت مخدوعة بيه ؟
طلع انسان سافل و نذل و ما يفرق عن ابوية بشي

ابجي واني لامة جسمي بس احس الدم صار هواية، كشفت نفسي و باوعت الجرجف جان وردي بس كله دم، لفيت نفسي بيه و كمت من مكاني طلعت ثوب لبست وثوب لاخ اخذته ورحت للحمام غسلت

الدموع ما فاركتني طول ما اني بالحمام
احس عندي خلع برجلي من سحبها كلش جاي تأذيني
معقوله خالد هيج يسوي بيه
لا بعمره حجه وياي كلمة سخيفة ولا يتطرق لهالمواضيع هيج بسهوله اذاني قبل عرسي !

اغسل و اني اتذكره اكوم اكش و اغسل حيل بجسمي كلهم نفس الشي وكت شهوتهم ينسون نفسهم وياخذون اليردونه لا حبيب ولا اب ولا اي بشر كلهم سفلة

بعد اكو دم و الم قليل، كبل من تقربلي الخنزير اسماعيل جنت احس بألم و نزل مرة مني كم قطرة دم
بس مثل الوجع الشفته ويا خالد ماكو كمت احس روحي جاي تطلع من بين اديه و الدم هواية

طلعت من الحمام البيت فارغ
رجعت الغرفتي اباوع المكان هوسة نيشاني مطشر بكل مكان و اكو مكياج هو ساحكة برجله و ما يدري صاير تراب، كعدت بلا ما الم اي شي

بقيت صافنة بالغرفة احس حتى الدموع ما كامت تعبر على كد الصدمة و الألم البداخلي
يعني هسه شسوي ؟ بعد ما هو اتقربلي حتى ما اكدر اتزوج امجد

سحبت موبايلي ردت ادزله رزالة و ادعي عليه بمسج لكيته هو دازلي فتحته كاتبلي بيه ( لو كملتي العرس فراح تثبتين انت فعلا بت ميعاد و تحلالج الزلم و من حضن الحضن تفترين )

كتبت اله ( اذا اني امي فانت اسفل و انذل من ابوي الله ينتقم منك خلي تفيدك امك و عوف المشوهة بت ميهاد و لو حاولت تتقرب مني راح اندمك )

لحظات و دزلي (نشوف )

باوعت اخذت نفس ويا التنهيدة نزلت دموعي
من يا وكت اني وخالد نتحلف البعض، ليش هيج سوا بيه ليش

اندكت الباب فزيت من مكاني، كمت اباوع
الباب تندك قوي، مشيت رجلين اسامه و وياه احد، صحت :- منو ؟

اسامة و امجد :- اني
فتحت الباب و صرت ورا فات امجد و اسامة ، باوعولي امجد عقد حواجبه و اسامة سأل :- شبيج ديار باجية

-احتركت رجلي شوية

امجد :- تأذت

عفته و دخلت جوا ابجي فاتوا وراي ، امجد يصيح :- اذا تاذت خليني اخذج للمضمد

صرخت :- لااااا وخر مني يلا

وكف بمكانه مستغرب التفت لأسامة بأستغراب، اني درت وجهي و هو عاف المكان و طلع من البيت

رجع دخل اسامة وراي :- شبيج ديار ليش هيح كمتي تصيحين عليه ؟

-اسكت اسامه و اطلع مني مال الي خلك

-شنو مجبورة انت ؟

-كلت الك ما الي خلك

-بس اني اريد اعرف شبيج

-كلت الك كااااافي اسامه لا تلح

-خوش

طلع من عندي مقهور و زعلان دخلا الغرفتي قفلتها عليه و حبست روحي تعقدت من الدنيا اتمنى بهاللحظة الله ياخذ عمري و اموت.

........

خالد :- طلعت منها روحي طالعة، طلعتني من ثوبي من اخلاقي و سويت كل السويته و هي بعدها مصرة تتزوج امجد، لو بس اعرف الصاير شنو

باوعت بالفرع فارغ ظهر و شمس عمودية و محد موجود طلعت من البيت سديت الباب وراي، قميصي مفتوح و مشلوعة الدكم مالته ، ما ردت ادخل للبيت فتحت باب سيارتي شغلت مكيف و كعدت

حطيت راسي ع الستيرن :- شسويت اني يا الله
تراجعت تراجعت منها و هي الأستفزتني
كمت اضرب ع الستيرن حقيرة خاينة خاينة
ضربت بأثنين ادية و كمت افرك بوجهي

المكيف مشتغل و الشمس مسلطة حارة و الجو بوخة شوية هوا يجيني بس جاي اختنك جسمي كله محتر

راح تخبلني ليش كل هالاصرار على الزواج
مال بس لان ضحى سمعتها تسجيل ما جاي اقتنع
كلها جانت تحذرني و تكلي ابتعد من بت ميعاد و اني اكلهم هي ما تشبه امها ديار تختلف

اخذت الموبايل دزيت الها مسج مستفز ما ردت شمرت الموبايل وحطيت راسي على الاستيرن ، يمكن ربع ساعة رجعتلي رسالة، بسرعة سحبت الموبايل فتحت المسح

دازتلي مسج مستفز اكثر من الدزيته و تشبهني بابوها و تدعي عليه و تتحداني ، كتبت الها (انشوف ) و ضربت الموبايل

بقيت افرك براسي من الوجع بوخة وشمس و راسي دايخ، اخذت جكارة كمت ادخن و اذب دخان من صدري و اكح ، لزمتني شحطة قوية و اني اكح انضرب البنيد مال سيارتي

شلت راسي، رافد كدامي ، اجا ضرب ع الجامة :- ولك لو مطي فاطس هم ما يتحمل يكعد بهالجو شعندك كاعد هنا كوم انزل

درت وجهي منه، فتح السيارة و سحب ايدي :- دكوم هي مطي دكوووم ادخل جوا شوف شصاير بوجهك

-رافد روح مني لخاطر الله

-دكافي شلزكت بيها ما تكلي من خ*** بيها تجيب اغاتها من كل عقلك انت

طلع امجد و اسامة من البيت سلم امجد رافد ؤد السلام اني درت وجهي منه :- راح تبقى هيج ؟

-رافد روح ممي يا اخي والله كا الي خلك

-مشكك ملابسك انت شبيه قميصك، كلت الك عوف، فوت و اتركني

-لا والله شو اكعد اكابلك بهالشمس و اشوف شتسوي

دخلت كعدت بالسيارة و هو واكف يمي ، حجه :- من خرب بغيرتك حارك روحك ليش خايب عوفها روح اطلع سافر حط اغاتها شبيك انت

ما رديت عليه، شفته يباوع بالفرع درت وجهي وراي ، امجد جاي سريع و ضايج صاحه رافد :- هيييي انت المطي اللاخ شبيك

تقرب من عدنا :- والله شباب ما جاي اتحمل كل هذا

رافد :- بالله هذا حجي واحد باجر عرسه

خالد :- راااافد

رافد :- انجب انت خل نشوف هذا الوجه وجه ارملة شبيك

امجد :- مها ورطتنا بهالزواجة جاي احس البنية ما موافقة

-ليش تكول هيج ؟

-رحنا البارحة نشتري الغراض سوا ولا كأنها هي العروس اني كلشي اختاريت و كلمة ما تنطق وياي هسه رحت جاي اكلها تعاي شوفي الغرفة لكيتها محتركة كلتالها امشي اخذج طبيب كامت تصرخ

رافد :- خاف ما راضية و مجبورة انت ليش ترضى بهيج سالفة غلس عالموضوع و اتركه

-يا اخي حجيت وياها هواي كلت بلكت تكلي لا ما موافقة و اترك بس هي ساكته زين شكلها يبنت الناس ما اريدج تروح تتخبل مها و جهالي و جهال و حتى اهلي يعيبوني شلون ترفض بعد ما جبنا و نصبنا بس ما ادري والله دايخ

باوعلي رافد، اني درت وجهي
تأكدت من كلام امجد ديار اغبى انسانه على وجه الكرة الارضية، حاركة نفسها و حاركة كل اللي حواليها

رافد :- و هسه شراح تسوي

امجد :- والله ما ادري لعبت نفسي

رافد :- نصيحة لو تترك هذا الزواج احسنلك والله

امجد :- اني !! طلب مها مقهور عليها تريد ديار اداري جهالها الا لو تبقى عليه و حتى لو اريد اتزوج يعني مو ديار اكيد

رافد :- قصدك وضعها

امجد :- اني احبها ديار و ابد ما احب اجرحها بس من اباوع اديها يعني ما ادري شيصير بيه هذا زواج عمر مو يوم و يومين

درت وجهي ابتسمت بأستهزاء :- شكد غبية اااخ
سحبت باب السيارة من رافد حركت و طلعت براس الفرع جاي استدير صارت سيارة امها كبالي
عفتها و ما درت الها بال ....
..........

ديار :- حابسة نفسي بالغرفة وكاعدة بالهوسة الاني بيها ، هوسة افكار و هوسة غراض كلشي حوالية هوسة

ساعة اكول خل اتراجع
ساعة اكول بعديش اشتروا غرفة و نصبوها و نيشان و حاضر بيا وجه افركش السالفة و حتى لو ردت اكول هم يكلولي ما كلتي من الاول

شلون راح اتزوج و اني بهاي الحالة اليوم ويا خالد و باجر يم امجد ... مستحيل ما اكدر اعيش بهالقذارة

انفتح الباب مال البيت عرفتها امي لان هي الوحيدة التكدر تفتح الباب بلا ما ادكة ، صوت الكعب مالتها يدك بالبيت صاحت :- دياااار دياااار

ما رديت اجت فتحت بالباب مقفول :- هاي شصاير ولج افتحي الباب

ما رديت بقت تحجي و ادك من نطقت ، صاحت :- عزا العزاني كون بتي بس لا منتحرة يمة

وطلعت تركض كمت من مكاني اريد افتح ساعة خالد صايرة بزاوية الباب دنكت عليها باوعتها دائما اشوفها بايدة ساعة فضية مفطورة الجامة مالتها يمكن انفطرت من واكعة من ايده

باوعت الدكم مال قميصة اثنين بالكاع سحبتهم شفت وحدة لخ جوة الباب جاي امد ايدي عليها جان يجي احد طاير و ودك باب الغرفة قوي انكرض اصبعي بالكاع

صحت :- اااااخ منو

رافد :- هاي يمعودة صوتها يلعلع كطعتي خلفتي كد ما جفلتيني شبيج

دكت الباب امي :- طايحة الحظ من اصيح ليش ما تردين

فتحت الباب :- لأن ما اريد اشوف احد منكم الله ياخذكم كلكم و اخلص منكم

رافد :- اكلج انت شو عايشة دورج هواي ما تستجنين شوية، شبيج

-معليك انت يلا ولي منا و هاااك خلي هاي ابيد اخوك الساقط
و انطيته الدكم مال قميص خالد

رافد :- اسمعي لج تحترمين لا والقران اعيد تربيتج و اخليج تتربين

ميعاد :- فوتي جوا ديار

-اصلا انتم اقذر ما خلق الله و انت اطلع من البيت و كول لاخوك ما اريد اشوفه بعد هنا

رافد :- ما ميت عليج والله لا يعوزه الج الف وحدة من زينة البنات تتمنى ظفر خالد مو انت اللي تكسرينة

ميعاد :- هاي شبيك رافد ليش تحجي هيج ويا بتي ترا ما اقبلك

-ما تسمعيها البنتج المرباية عدل شلون تحجي

ديار :-عفت التربية الامك تربيكم احسن مني يلا اطلع منا

ميعاد :- فوتي جوا ديار

رافد :- لا لا تعاي اشو هنا، ولج انت اشايفة روحج و اتجيبين امي على السانج بنت المطي

ديار :- اطلع يلااا ابوي و قءارته اشرف منكم يا زبالة الزلم

هو يهد و اني اهد عليه و امي بيناتنا و تصيح بينا من حجيت هيج :- ضربتني على خدي

ديار :- ليش تضربينيييييي على مود صاحبج هذا الزبااااالة والله انتقم منه الحيوان السرسري لو بيك حظ ما ادور نسوان ورا مرتك يا عاااار

هو يصيح :- بت ابوج القذارة منج و بيج يا حيوانة الله يحب خالد و ما تورط بيج

دفعته امي برا و اني دخلت جوا افور افتر منا و اجي منا و صوت امي ويا رافد برا، اخر شي طلعت متحملت ، سدت الباب هي و فاتت :- شبيج انت تخبلتي ؟

-اي تخبلت عندج اعتراض هذا الوصخ و امثالة ما ادخلينهم البيت ما اريدهم تفتهمييييييين ما اريدهم

-طايحة الحظ اني دخلته اتونس لو ادك الباب عليج و ما تردين عايشتلي دور المسلسلات التركية و حابسة روحج، انت الوافقتي على هالزواج و انت الرضيتي و انت كلشي سبب باللي جاي يصير وياج لا تحملينا ذنبج

-واني اريد افركش ما اريد استمر بعد خلصنا

-لعب جهال هو فوتي غرفتج و اتادبي ديار لا والله اطلع ضيم كلبي كله بيج

-شتريدين اطلعين طلعي الام التضربني على مود صاحبها ما اتشرف بيها

-قندرتي فوك راسج افتهمتي لو لا اضربج و اكسر راسج من كاعدة تهينين رجال شكبرة و جاي لبيتنا بس حتى يشوف اذا بيج شي مو بس اضربج و اطيح حظج هم حيوانة

-اني الكم

-وسم حتى سم فوتي جوا يلا ما اريد اسمع حسج هذا ولي

دخلت جوا بمكاني لفيت نفسي بنص الهوسة و بنص الحر تغطيت و نمت و بقيت جوا فراشي ابجي لحد ما نمت

بالحلم .... شفت اختي انهار اجتني بالحلم
كأنها ما راضية دايرة وجهه عني امشي وراها و اتمنى رضاها و هي ادير عني اخر كلمة نطقتها :- ميصير

فزيت من الحلم بقيت صافنه ، ما اتذكر اخر مرة اجتني بحلم بس صار هواي حيل
بقيت كاعدة بغرفتي ما طلعت منها ابد
ساعة ابجي و ساعة اصفن

فتحت الباب امي، باوعتلي :- شبيج ؟

-عمرج كله ما عرفتي شبيه تهتمين برجليج اكثر مما تهتمين بيه

-عوفيني من هالحجي و كليلي حابسة روحج ليش مصيحة بوجه امجد ليش مصيحة بوجه اسامة ليش و حتى رافد رغم اني اتعاركت وياه بس الرجال جان جاي حتى يساعدني عبالي بيج شي شبيج فهميني

-البيه محد يكدر يفهمه و الما عاش معاناتي مستحيل يفهمني، ما عشتي بداخلي لما اني سنوات ارعش من الخوف من ابوي ولا عشت معاناتي من اني اصغيرة و تعوفين بأيد هذا و ذاك و تروحين و لا عشتي معاناتي من القذر صاحب ابويه الارهابي يشوفني الجثث ويعددني ولا عشتي معاناتي من شاردة برجال نص عقل و افتر بيه بمحافظة غريبة ولا عشت معاناتي و احاسيسي الجنت اعيشها وياه بنص زواج
محد عاش اللي عشته حتى يفهمني جاية هسه تريدين تعرفينين شبيه
هو شنو الما بيه حتى تسألين !؟

-ولج شسويلج الردتي خالد صرت وياج و كتلج فدوة، وافقتي وكتلج لا وما رضيتي ووافقت لخاطرج و احاول اقنعج بيه و اقارنه بخالد بلكي اهون عليش

كل يوم كل يوم تعيريني بالماضي و انت جنت هيج وياي و انت هيج جنت وياي ليش هو اني ويا ابوج جنت شايفة دربي حتى اشوفكم

ما جزت ارجع المغربيات يتعارك وياي يكتلني و ياخذ العندي و من وراه لا الي خلك اباوع بوجهن ولا اباوع بوجهكم

شوكت ناوية تنسين الماضي و تعيشين اليوم اني هم تعبت وياج منين ما اجيج ما ترضين شسويلج

-كلمة النسيان سهلة الج اما عندي حيل صعبة
بوكت الجنة اني و اخوي ناكل جاي و خبز انت تصرفين الالف على وجهج و شعرج و جسمج و تصدقين علينا

-و جاي احاول اعوضج كافي ديار

مرت اثار من كدامي :- حتى اثار اعرفها مو اختي من ابوي و جنت ساكته بس كليلي يا الم بينا تعوضين ؟

-مراح تكليلي شبيج ؟

-كلت الج البيه انت ما راح تفهمي

-تريدين خالد ارجعيله

-الاريده اشرب من دمه

-ياااااا انوووب ؟

سكتت

-شصاير ولج

-صار اللي ما جنت اتوقعه منه بعمري كلهؤ سوايته ذكرتني باتعس ايام حياتي و رجعني لسنين كلش تعبت بيها

-شسوا كليلي ، تعاي هنا دكم القميص الانطيتيهن لرافد مال خالد شوصلهن بغرفتج

-باوعتلها كامت يمي :- احجي ولج هو جاي لهنا مسويلج شي

-هزيت راسي اي

- شسوا

-دنكت راسي و بجيت

لطمت على خدودها :- عزا العزاني اعتدى عليج ؟ ليش ولج احجي

فركت وجهي :- اخذ عذريتي و اني اللي جنت اظن فاقدتها

-يعني من صدك اعتدى عليج

-كامت من مكانها كمت الها :- وين رايحة ؟

-اهجم بيته و بيت الخلفة و ازين اشواربهم بالقتادر هالعارات الما كادرين بس ع النسوان دا اشوفهم النسوان شتجيب

-اكعدي لخاطر ربج اكعد لا احنا بامريكا ولا باوربا حتى تاخذيلي حقي من عيونه احنا بنص مجتمع يعيبني اني و هو الخطية مقهور

-دنعل ابوهم لابو الجابهم لابو مجتعهم صعدت للغرفة تلبس حتى تروحلهم، اجا اسامة وراي من شافها كامت تفور و عصبية كمت اخزر بيها و اكلها اكعدي مو وكتها اسكتي

اخر شي كمت اصرخ عليها و اسامه لازمة شمرت الملابس بالكاع و كالت :- ولج والله و تراب امي الماتت و ما شفتها لا ما ازين شواربهم و اهدم عليهم بيتهم فلا اتسمى مرة.

ما كافي ابوهم الطايح حظة رافع خشمة و متكبر ياخذج لابنه و امة ****** الشايفته عليج ملك و كايمة كاعدة تعير بيج يجي هو ويكملها عليج وياهم

دخل يصبرولي لا ما اهجمهم هجم فلا طالعة من ظهري ابوي ولا اتسمى بأسمه هالعارات ولد العارات

اسامة :- هو شمسوي غير نفتهم شمسوي

ميعاد :- اسكت انت اللخ مني وخر عني

اسمعي ولج انت امداج و امده كصتج اذا ما اتزوجتي امجد و حركتي گلبه ولج لا ما اشعله شعل لهالكو*** فلا ارتاح

كعدت اني ما ارد عليها و اسامة يسال بينا شصاير ما نرد، صاحت بيه امي يطلع منها، كام يصيح هو :- انت تصيحين و ديار تصيح بعد جرني من اذني و كملنها

كمت اني :- اسامه لمصلحتك ماما جاي تصيح روح اكعد و بعدين افهم السالفة

ابتعد مني ونزل طلع من البيت

شوية ورجع كال لامي :- ام امجد اجت جوا

كامت امي فزت :- اشعل اهلج لو حجيتي حجاية لو رفضتي اسسسس لاخليج تعيشين بخير و هم بشر بس اسكتي و لا ترفضين

-عوفي خالد لا تتقربيله اني اخذ حقي منه

-بعدها ادافعله يربي
غمتني و باوعت بالمرايه عدلت وجها و نزلت لام امجد:- هلا ومرحبا بام امجد هلا

ام امجد :- بالمهلي حبيبتي شلونها ديورة

-زينه كليلي مها شلونها اليوم

-نفس حالها

-بس الحمدلله صارلها اسبوع ما راجعه للمستشفى احسن بلكي الله يباوعلها لهالبنية ويردلها عافيتها بجاه كلمن عنده جاه

-ان شاءالله يا ربي ، اجيت على مود ديار امجد متضايق

ميعاد :- حيل تعذريلي منه والله خجلانه منكم بس هاي متعاركة هي و اختها و طالعة روحها و تعرفين باجر عرسها و البنية متوترة و انتم تعرفوها لديار ما يحتاج احجيلكم عنها

-لا ان شاءالله ماكو شي هو رادني اطمن عنها و اسأل شبيها

-فدوة الطولة معدل على اهله، الا اكلج ام امجد لو تأخرون العرس لعكب باجر ما دامكم ما عازمين

-اني جاية ابلغج بهالموضوع اليوم نصبنا الغرفة و ما جاي انلحك فكلنا نخليها على عكب باجر
.-اي احسن

-هي ديار وينها ؟

-نايمة جوا عمت عيني منا مقهورة على مها و منا عرس مفاجئ و هاي اختها العرمة ما جاي تعوفها بحالها شلعت گلبها

-سلميلي عليها هواي

-الله يسلمج حبيبة هلا بيج

... سلمت علينا وراحت، نزلت يم امي :-اجلت العرس العكب باجر

-عاد هو شلون عرس

-لا والله وتشوفين لا ما اخليهم باجر يحجزون غرفة بالفندق و اخذج صالون و يسوولج زفة و احرك كلوبهم فلا اطلع اسمي ميعاد

-ما اريد فندق عوفي

-لا والله لا فندق وشوفي

-اني ما رايدته

- يا فدوة لعد المن ماخذج يباوع الطولج

-مها بعدها تشتم الهوى و اني اخذ رجلها

-محد كال الها زوجي رجلج هي الدكت رجل الا تاخذينه و هو رجال مو حجرة حتى يدفع مهر وفلوس و كل هالتجهيزات تالي اللي يحصله نوى هي شغلة خمس دقايق طكطكيهن و كومي لا تصيرلي رابعة العدوية

-كلت الج ما اكدر تفتهمين لو لا يعني اليوم يعتدي عليه و باجر اني اروح لامجد

-مجبورة مو ذنبج قابل راضية انت

- حتى لو ما اكدر ولا اتحمل

-والله تبقى بينج وبينه العليه اشمركم بغرفة لوحدكم و هي الامور تنحل من كيفها و غمزتلي

درت وجهي منها ردت اكو كالت :- لا لا تعاي اكعدي احجيلي شنو طلعتي عذراء

- هو يكول عذراء و نزل من عندي دم هواي

-لعد شكد مكلب نسوان ابن القندرة حتى يعرف البنية من غيرها، هاي لو مرة جان حاروا شطلعوا عليها بس ما دامه رجال ما يعيبه شي يعتبرونه نجر من طاح حظهم

-راح اصعد انام بغرفتج ما اريد انام بغرفتي

-اصعدي ماما اصعدي سودة عليه حتى من الغرفة عقدها حبيب امه الامير وليام

صعدت فوك نمت على سرير امي كمت اتكلب بفراشي من اتذكر الصار ينقبض كلبي و دموعي تكوم تجري وحدهن

ل٣ باليل و اني اتكلب و كارهة روحي و كارهة الدنيا كلها، احلى شي بحياتي جان هو خالد و خربلي صورته كلها

رج الموبايل باوعت، ضوا، جريته شفته مسج من خالد ، فتحته كاتبلي ( خليتيني اصير انسان ما اعرفه و اسوي الما جنت اتوقع اسوي بيج لو باي بنية غيرج ليش )

كتبت اله ( لانك من الاساس هيج و اني الجنت مخدوعة بيك )

اتصل دك كلبي بالاتصال اخ لو بس اكدر اشلع هالكلب هذا و اشمره من صدري جان اني ككلش بخير بمخابرة وحدة كام يضخ دم ووصل الدم صار لراسي

فتحت خط ما حجيت ولا هو يحجي بس هدوء و صوت انفاسه ينسمع، نطق :- ما راح تلكين احد يشوفج بالطريقة اللي اني اشوفج بيها ولا احد راح يسعالج مثل لما اني جنت اسعالج

-الك عين تحجي

-كلش زين تعرفين السويته ليش

-اخر محاولة و فشلت وياك

سكت ... حجيت :- جاي اكش منك لدرجة دا تلعب نفسي و اني جاي احجي وياك

-كوليها تكرهيني

-هذا الاتمنى ولا تخاف راح اكدر

-طبيعي تكدرين انت بنت ميعاد

-اشرف منكم

-ليش كل هذا ؟

-مفهمت

-جنه احلى من العسل شنو الصار و هيج بأسبوع صرنا واحد يتوعد لللاخ وكأنه اعداء لا كأن سهرنا ولا عشنا ايام حلوة بيناتنا

-هدمت كل هالذكريات بموقف واحد

-الصار جنتي تتمنينه مني لو جان بالحلال و اني جنت اتمناه اكثر منج بس مدري ليش هيج صار

-ابد ما جنت اتمناه
جنت اتخيلك انسان ثاني مو بهالطريقة الحيوانية الكرهتني روحي و كرهتني بكلشي حلو بهاي الدنيا

-لا تكابرين اعرفج محتركة روحج مثل ما اني محترك بنار ما متقبله امجد ولا هو متقبلج ، عوفي الراح و طز بالناس انطقي كلمة و خليني انهي كلشي، اوكف بعيونهم كلهم و اكلهم اريدها

- ما اريدك بعد ولا اتمناك انت انتهيت بالنسبة اليه و ياريت بعد ما تتصل

غلقت الجهاز و كعدت ابجي حيل بقوة
ما نمت الا وجه الفجر
امي رايحة من الصبح جايبتلي ٥ سيتات نوم

كلت الها :- انت كن كل عقلج اني البس ذني وجايبتهن

-تلبسيهن تلبسيهن معليج

-بيا جسم

-الاسبوع الجاي اخذج لبيروت و اشتغلج بأرقى المراكز جسمج

-و حتى لو ما راح البس

-لطمي بعد لطمي فكري روحج

حظرتلي جنطي و تتمتلي مكياجي و بت الجنط و اخذتني للصالون سوتلي مسرح و مساج للوجه و حفافة عدله و صبغت شعري لون جكليتي وكصته ستبس
اظافر اديه و اظافر رجلية ...

ما خلت شي و ما سوتلياه وكلما اكللها كافي تجاوبني :- انجبي معليج طيعي و اسكتي

طلعتني شكل ثاني رجعنا للبيت حتى ما باوعت بالمرايا و لا شفت نفسي رغم شعري صار مي على جتفي من التسريح السوته

.. اتمنى انطق و اكول ما اريد
اتمنى اكدر اتراجع و اكول
بس ما ادري ليش جنت ساكته و امشي بالامور و كانو طبيعية رغم جواي نار بس الله يعلم بيها

ثاني يوم جان هو يوم العرس استاجرتلي امي بدله بيضة الي و اثار لزكت هم تريد مثلي و مو فستان لا بدله نفش و شرط هم بيضة والا تتمدد بنص السوك و تلم علينا الامة كلها بصريخها

فاشترتلها امي بدلة بيضة صغيرة الها و اخذتي للصالون عدسات و رموش ومكياج على كيف امي هي طلبت و سولي

اما هي فمكيجت لروحها و رتبت اثار سوتلها تسريحة بشعرها بس اثار خبصت الصالون تريد مكياج مثلي، اجا نعال طاير من امي لزك براسها نطت من البجي تالي سكتت

رجعتنا بسيارتها هي للبيت و خابرت ام امجد انطتها خبر .. هم ما جانوا ناوين يسوون هيج حفلة و صالون و عرس وفندق رادوها بسكوت بس امي كالتلهم :- حتى اذا ما عدكم ميخالف اني انطي مني لعرس بتي هي فرحة حتى لو ظروف

فمنجبرين مسوين كل هذا و حاجزين ..
دخلتني للبيت و شغلت التلفزيون على علاته اغنية :- بلا بلا بلا و تركص هي و اثار كدامي و تعنيني بكلمات الاغنية، جانت كلش مشتهرة خاصة ركص ااراقصات اللي بالفيديو تتمايل وياهن هي و اثار

اي فرحة ما بكلبي و كاني صنم كاعد حاولت تضحكني هواي و تغير مودي بس ماكو جان كلشي منتهي بعيني

دك الهورن بالباب و اندكت الباب و سمعت صوت الهوسة، انقبض كلبي اتمنى اليخطفني هسه و اشرد من هذا كله و اتراجع الدموع غرغرت بعيني خزرتني امي

و اجت يمي :- شماتج هواي ديربالج تنزلين الدمعة كبالهم و تفرحينهم حطي ايدج بأيدة و ضمي البكلبج ابكلبج لا اطلعي لعزيز كلبج امشي بنيتي

و تلكاهم ( هلا و مرحبا تفضلو تفضلو )

فات امجد مبدل و مرتب نفسه
هو طويل جسمة مرتب حنطاوي صاحب عيون نرجسية ضاحكة و شعره خفيف بس يرفعه .. عنده شوارب بس ما عندة لحية

كعد بصفي و كال :- شلونج

هزيت راسي فاتوا خواته و امه و بنات عمة خوات خالد هم جايات وبقن يهوسن و يركصن و يتمايلن ع الاغاني

همس :- طالعة حلوة حيل

ما حجيت اختنكت ردت ابجي و امي تحط ايدها على حلكها و تكشر بخدودها عود اضحكي ، درت وجهي منها

سألته :- مها وين ؟

-بالبيت .

-منو يمها

-اختي دعاء بقت يمها و بتول هم هناك

-تعرف بالعرس
مدنك راسه اليه حتى يستمعلي من الهوسة ، رد :- تعرف اليوم اخذج بس ما تعرف مسوين عرس لان احنه ما جنا ناوين نسوي بس بعد طلبات ام اسامة و ما حبينه نردها

هزيت راسي كامن يصيحن عليه ( حبها ولك حبها لا تخاف من امها ) ابتسم هو اخذ راسي و باسني بگصتي

و همس : الله يقدرني و اسعدج ان شاءالله

هزيت راسي

فات احمد اخوه و خواته دارن ما دايره و كام يهوس وياهن و يدبجون و امجد يباوعلهم مبتسم

فات ابوه و الشيخ وياه كال :- الهم من رخصتكم دقيقة ، كعد الشيخ كبالنا و عقد النا و هن هلهلن

طلع الشيخ و ام امجد كالت الهن :- يلا يمه خلونا نزفهم

هن رفضن و يكللها :- مستعجلة خلينا نفرح و نركص هنا بعد وكت ع الزفة يلحكون يلعبون ختيلان و كاموا يتضاحكون

هو ابتسم و دنك دار وجهه ، تقريبا ساعة و هن يركصن قدمت امي الكيك و خلتنا نقطع هو وكلني و امي لازمة ايدي و تحركني و تكرص بيها و تكلي :- خليها بحلكة

وكومنا احمد من مكانا الا نركص وياه ويا خواته امي كومتني لان بنات ام رافد هنا تريد تحرك كلوبهن حتى يوصلن الحجي لامهن

كمت اني لا ابتسامة لا شي يجيبني منا و يردني منا بس امجد و احمد كاموا يركصون و يضحكون هم و خواتهم

رجعت كعدت و كعد يمي ما بقى واكف وياهم
ابو امجد كام يصيح لان السواق كلهم منتظرين بره و هن مخلصاتها ركص برا

فات اخذنا من ادينا و كاله :- مرتك يابه هاي تصونها و تحميها و تحفظها و تراعيها و انت يابه زلمتج هذا تارعينه و تحفظين بيته و جهاله والله يوفقكم ان شاءالله

وطلعونا برا ذبحوا خروف بالباب و دمروا حذائي بيها امجد شابك ايده بأيدي، ابن عمهم اسمه مازن هو الجان السايق

صف واحد اكرع بس ظهره منطي النه فتح باب السيارة و نزل مازن ، وكف رافد يسحب يلتف و الكاه خالد لابس قاط و مزين اكرع

بقيت صافنه بيه و عيونه مركزة بيه، فتح الباب امجد وراي و هو كدامي و خوات امجد لازماتلي البدلة، صعدت بالسيارة و رافد لازم خالد من ايدة

ويهمسله :- خالد عوفهم يرحون بامان الله لا تسويلهم مصيبة

نكث ايده من رافد و صعد بالسيارة، صعد امجد
اباوع عليه من المرايا العيون مركزهن بيه اكرع و العيون صفر يتلمعن من القهر الواضح بعيونه
يحاول يخفيهن بابتسامة كذابه بس ما جاي ترهم وياه

الحقد واضح بعيونه و هو يشوفني بصف امجد و امجد لازم ايدي، تحسه جاي يفور ع الهادي

جان المفروض ابو امجد يصعد ليكدام بس ابو امجد.داير يوصي ويحجي وياهم بعده ما صعد
هو حرك السيارة و مشى ......يتبع

☆☆☆☆☆☆